میر تا بہ مقدور انتظار کیا (میر تقی میر)

[عمران شناور]

تا بہ مقدور انتظار کیا
دل نے اب زور بے قرار کیا

دشمنی ہم سے کی زمانے نے
کہ جفاکار تجھ سا یار کیا

یہ توہم کا کارخانہ ہے
یاں وہی ہے جو اعتبار کیا

ایک ناوک نے اس کی مژگاں کے
طائرِ سدرہ تک شکار کیا

ہم فقیروں سے بے ادائی کیا
آن بیٹھے جو تم نے پیار کیا

سخت کافر تھا جن نے پہلے میر
مذہبِ عشق اختیار کیا

(میر تقی میر)​

 

[دل پاکستانی]

شکریہ عمران صاحب خوبصورت غزل شئیر کرنے کیلئے۔

 

[محمد وارث]

واہ واہ واہ، کیا خوبصورت اور سدا بہار غزل ہے!

بہت شکریہ جناب شیئر کرنے کیلیے!

 

[محمداحمد]

یہ توہم کا کارخانہ ہے
یاں وہی ہے جو اعتبار کیا

بقول غالب "عالم تمام حلقہء دامِ خیال ہے"

 

[مغزل]

سبحان اللہ سبحان اللہ سبحان اللہ ۔۔ واہ واہ ۔ جواب نہیں عمران شناور صاحب بہت بہت شکریہ ، سدا خوش رہیں جناب

 

[عمران شناور]

تمام احباب کا بہت بہت شکریہ

 

[عباد اللہ]

واہ واہ واہ
کیا کہنے

یہ توہم کا کارخانہ ہے ​

یاں وہی ہے جو اعتبار کیا ​

جواب نہیں

 

[عمران شناور]

شکریہ عباد اللہ صاحب