طارق شاہ
محفلین
غزل
علامہ محمد اقبال
تجھے یاد کیا نہیں ہے میرے دل کا وہ زمانہ
وہ ادب گہِ محبت وہ نِگہ کا تازیانہ
وہ ادب گہِ محبت وہ نِگہ کا تازیانہ
یہ بُتانِ عصْرِحاضِر کے بنے ہیں مدرِسے میں
نہ ادائے کافِرانہ نہ تراشِ آزَرانہ
نہ ادائے کافِرانہ نہ تراشِ آزَرانہ
نہیں اِس کھُلی فضا میں کوئی گوشۂ فراغت
یہ جہاں عجب جہاں ہے نہ قفس، نہ آشیانہ
یہ جہاں عجب جہاں ہے نہ قفس، نہ آشیانہ
رگِ تاک مُنتَظر ہے تِری بارشِ کرَم کی
کہ عجَم کے میکدوں میں نہ رہی مئے مُغانہ
کہ عجَم کے میکدوں میں نہ رہی مئے مُغانہ
مِرے ہم صفیراِسے بھی اثرِ بہار سمجھے
اِنہیں کیا خبر، کہ کیا ہے یہ نوائے عاشقانہ
اِنہیں کیا خبر، کہ کیا ہے یہ نوائے عاشقانہ
مِرے خاک وخُوں سے تُو نے یہ جہاں کِیا ہے پیدا
صلۂ شہید کیا ہے؟ تب و تاب جاوِدانہ
صلۂ شہید کیا ہے؟ تب و تاب جاوِدانہ
تِری بندہ پروَرِی سے مِرے دن گزر رہے ہیں
نہ گِلہ ہے دوستوں کا، نہ شکایتِ زمانہ
نہ گِلہ ہے دوستوں کا، نہ شکایتِ زمانہ
علامہ محمد اقبال
