یہی تو وقت کا تقاضا ہے کہ میری قوم اپنے آپ کو مسلمان اور پاکستانی سمجھنا شروع کر دے ۔ پھر یہ واقعتا ایک قوم بن جائے گی۔ جب ایک قوم بلٹ ہو جاتی ہے تو پھر منزلیں اس کی راہی بن جاتی ہیں۔ میرا اشارہ انتخابات کے موقع پر برادری ازم کی بنیاد پر ووٹ ڈالنے کے رجحان کی طرف تھا۔ جس کی وجہ سےکرپٹ لوگ منتخب ہوجاتے ہیں۔ یہی لوگ ہماری تباہی کا سبب ہیں۔
پہلے ایک پاکستانی "قوم" تو بن جائیں۔ مسلمان بننا تو بہت بعد کی باتیں ہیں۔
کارکن؟ کیا اس انفارمیشن کیلئے بھی کسی کارکن کی ضرورت پڑے گی؟
تاریخ گواہ ہے ہر سچا اور پکا مسلمان بہترین محب وطن بھی ہوتا ہے۔
بالکل فضول بات ہے۔ یہاں مغرب میں کٹر قسم کے مسلمان اپنے آپکو پیدائشی ملک یعنی مغربی ملک کا محب وطن نہیں سمجھتے اور جہاں کہیں ایشیا یا افریقہ میں کسی مسلمان ملک میں جنگ ہو رہی ہوتی ہے تو وہاں مغربی ممالک کی فوجوں سے لڑنے پہنچ جاتے ہیں۔ جیسے آجکل شام میں ہونے والی خانہ جنگی میں بہت سے مذہبی جنونیوں کا تعلق مغرب سے ہے۔ جب برطانیہ افغانستان میں جنگ لڑ رہا تھا تو کئی بار انکا ٹاکرا برطانیہ میں پیدا ہونے والے ’’حب الوطن‘‘ مسلمانوں سے ہوا جو انکے خلاف لڑ رہے تھے۔ عام دنیا میں اسکو اپنے وطن سے غداری کہتے ہیں۔ شدت پسند اسلام میں اسکو حب الوطنی تصور کیا جاتا ہے!
آپ کسی اور نظریے سے سوچ رہے ہیں جبکہ میرا اشارہ کہیں اور تھا جو آپ کی سمجھ میں نہ آسکا۔ جہاں نظریات میں ٹکراؤ آ جائے وہاں اختلافات جنم لیتے ہیں اور یہی نظریاتی اختلافات کدروتوں کا باعث بنتے ہیں۔ چونکہ ہمارے دونوں کی سوچ کے زاویے مختلف ہیں ۔ اس لئے میں اس بحث کو طول نہیں دینا چاہتا۔
میں آپکے تحفظات کو سمجھتا ہوں۔ یہاں نظریات کی نہیں حب الوطنی کی بات ہو رہی ہے۔ کوئی بھی شخص جہاں بھی جنم لے، منطقی طور پر وہ اس جگہ کا شہری ہوتا ہے اور اس وطن سے حب الوطنی ایک قدرتی سی بات ہے۔ اگر کوئی مسلمان کسی کافر ملک میں بھی جنم لے، تب بھی اسلام اسکو اس ملک کا حب الوطن رہنے پر مجبور کرتا ہے۔ حب الوطنی کیلئے کسی خاص مذہب کا مسئلہ ہونا ہی نہیں چاہئے۔ حب الوطنی کی بنیاد قومیت سے ہوتی ہے اور بیشک آپ مسلمان پاکستانی ہوں یا عیسائی پاکستانی، حب الوطنی ایک بنیادی شے جسکو مذہبی زاویے سے نہیں دیکھا جا سکتا! طاہر القادری بے شک ساری زندگی پاکستان میں رہے ہوں، اب جبکہ انہوں نے کینیڈا کی شہریت اختیار کر لی ہے تو اب وہ اس ملک کے ایجنٹ ہیں نہ کہ پاکستانی۔ انکی حب الوطنی اب کینیڈا کیساتھ ہونی چاہئے نہ کہ پاکستان کیساتھ۔
شکریہ۔
