شکرخدا
1. قیامت کے دن منادی ندا دے گا کہ حمد کرنے والے اٹھیں ،اس پر لوگوں کاایک گروہ اٹھے گا اور ان کے لئے ایک پرچم لہرایا جائے گا اور وہ لوگ جنت میں داخل ہوجائیں گے ۔رسول اللہ (ص) سے عرض کیا گيا : یا رسول اللہ (ص) یہ حمد کرنے والے کون ہیں ؟ آپ (ص) نے فرمایا یہ وہ لوگ ہیں جو ہرحالت میں خدا کا شکر اداکرتے ہیں ۔ ”اصول کافی “
عزّت خدا کے ہاتھ میں ہے
2.جو شخص بندوں کے ذریعے عزت حاصل کرنا چاہتا ہے خدا اس کو ذلیل کردیتا ہے ۔ ” احیاء العلوم غزالی (رح) “
مومن سے محبت
3.خدا کی خاطر مومن کے ساتھ دوسرے مومن کی دوستی ایمان کی بہترین اقسام میں سے ایک ہے ۔آگاہ رہو جو خدا کے واسطے دوستی کرتا اور خدا کی خاطر دشمنی کرتا ہے اور اس کی بخشش اور انکار خدا کے لئے ہوتا ہے ، وہ خدا کے برگزیدہ بندوں میں سے ہے ۔ ”اصول کافی “
4.مؤمن ، لوگوں سے محبت کرتاہے اور لوگ اس سے پیار کرتے ہیں اور جو لوگوں کے ساتھ چاہت کا اظہار نہیں کرتا اس میں خیر نہیں ہے ۔ ” محجّۃ البیضاء “
معاشرے کی فضيلت
5.جنگلوں اور پہاڑوں میں( تنہا پھرنے سے ) احتراز کرو اور عام لوگوں کے ساتھ نشست و برخاست کرو اورمسجدوں میں حاضر ہوجاؤ۔ ” محجّۃ البیضاء “
