لقمان پنجابی
محفلین
پاکستان | یو ایس ایڈ
امریکی عوام ولوں جاری
پروگراماں تے تھوڑا جیا چانڑ
توانائی
بجلی دے میٹر ریڈنگ نظام وچ بہتری نال صارفاںدیاں شکایاتاں وچ کمی: بجلی دی ونڈ وارے یو ایس ایڈ دے اک پروگرام دے تحت ملتان الیکٹرک پاور کمپنی (میپکو) دے گلگشت سب ڈویژن وچ بجلی دے میٹراں دی ریڈنگ دے طریقہ کار نو بہتر بنائے جاونڑ تے ٹھیک طریقے نال کم نہ کرنڑ آلے تین ہزار سات سو میٹرپیشلے سال بدلنڑ دے بعد ایس علاقے دے میپکو دے صارفاں دياں شکایاتاں وچ 80 فیصد کمی واقع ہوئی, اے شکایاتاں جیڑیاں 2011ء وچ گیارہ سو چھیالی تک سنڑ، 2012ء وچ گھٹ کے صرف پانچ سو تیتی رہ گئیاں نے۔ ایس بہتری کرکے میپکو ہنڑ اپنڑے کم تے بجلی دی بلنگ نوں بہتر بناونڑ لئی تیرہ ہور ڈویژناں وچ خود کار میٹر ریڈرزلاونڑ لئی فنڈز دے رہی وے۔
پنجاب وچ یونیورسٹی گریجویٹس نو توانائی دے شعبے وچ عملی تجربہ حاصل کرنڑ دی سہولت: توانائی دی منصوبہ بندی دے متعلق یو ایس ایڈ دے منصوبے دے تحت تین زنانیاں سمیت یونیورسٹی وچ گریجویٹ دی سطح دے 20 پاڑھوواں نوں مظفرگڑھ تھرمل پاور اسٹیشن تے بجلی دی ترسیل تے تقسیم کار کمپنی دے ملتان آلے دفتر وچ انٹرن شپس دینڑ لئی تعاون کیتا گیا۔ غریب، نکے شہراں یا پنڈاں نال تعلق رکھنڑ آلے پاڑھو توانائی دے شعبے دے اناں اداریاں وچ چھہ مہینے دے عرصے لئی کم کرنڑ گے تا اناں نوں توانائی دے شعبے وچ کم دا ول (جاچ) آسکے۔
معاشی ترقی تے زراعت
یو ایس ایڈ دی ٹیک نال کیتے جانڑ آلے غیر ملکی دورے توں 97 لکھہ ڈالر دے برآمدی آرڈرز لبے: یو ایس ایڈ دی ٹیک نال پیشلی خزاں وچ ورلڈ فوڈ ماسکو نمائش وچ شرکت دے نتیجے وچ ست پاکستانی زرعی کاروباری اداریاں نوں جرمنی، روس، انڈونیشیا، چین تے ڈنمارک کولوں کوئی لگ بگ اک کروڑ ڈالر دے برآمدی آرڈرز لبے۔ برآمدی آرڈرز دے وادھے دی وجہ نال کاروباری اداریاں نے 63 ہور نوکریاں دا وادھا کیتا۔ نمائش وچ شرکت دا بندوبست یو ایس ایڈ دے زرعی کاروبارنال متعلق منصوبے دے ذریعے کیتا گیا سی، اے پاکستان وچ زرعی کاروبار دی پیداوار تے آمدنڑ وچ وادھے لئی، مدد دیندا وے۔
لوکائی آبادیاں دی ترقی
کراچی تے ملتان وچ نوجواناں تے دیھان: یو ایس ایڈ نے کراچی وچ لیاری، کورنگی تے سلطان آباد/ ہجرت کالونی وچ 65 سرکاری سکولاں نال تعلق رکھنڑ آلے کوئی لگ بگ 400 استاداں، کوچاں تے قائدی دی صلاحیت رکھنڑ آلے نوجواناں نوں کھیڈا دے وچ لڑائی پڑائی توں پاک قیادت دی تربیت پہچانڑ لئی اک غیر سرکاری تنظیم ’’رائٹ ٹو پلے‘‘ نال 9 مہینے دی گرانٹ دے سمجھوتے تے دستخط کیتے۔ اے فنڈ نوجواناں نو قائدانہ سرگرمیاں وچ مصروف رکھنڑ لئی کھیڈاں دے مقابلے کراونڑ وچ مدد وی دیوے گا۔
فاٹا تے خیبر پختونخوا وچ اک ہزار لوکاں دی پیشہ ورانہ تے پہلی طبی امداد دی تربیت: فاٹا تے خیبر پختونخوا توں تعلق رکھنڑ آلے بدامنی دے شکار تین سو توں بوہتے لوکی یو ایس ایڈ دے پھڈیاں توں متاثر لوکاں دی ٹیک آلے پروگرام دے تحت پیشہ ورانہ تربیت لے رہے نے۔ ایدے علاوہ ایس پروگرام دے تحت طبی امداد دینڑ آلے تے جان بچان آلے 700 لوکاں نوں پہلی طبی امداد دی مہارت وچ وادھے لئی تربیت دیتی جارہی وے۔ پروگرام دے تحت تربیت پورری کرنڑ آلے لوکاں نے پہلی فروری 2013ء نو خیبر پختونخوا دی کوہاٹ ڈویژن وچ ہنگو دی مسیت وچ بم دھماکے وچ پھٹر ہونڑ آلے 70 لوکاں نوں پہلی طبی امداد دیتی۔
تعلیم
آزاد جموں کشمیر وچ کل دے استاداں لئی وظیفے: یو ایس ایڈ نے مظفر آباد وچ آزاد جموں کشمیر یونیورسٹی دے ڈیڈھ سو ایو جئے پاڑھوواں نوں تعلیمی وظیفے دیتے جیڑے درس تے تدریس دی تربیت لے رہے نے۔ اے قدم یو ایس ایڈ دے استاداں دی تعلیم دے ساڈھے 7 کروڑ ڈالر دے اک وڈے پروگرام دا حصہ وے، جیدا مقصد پاکستان بھروچ تعلیم دے معیار نو بہتر بناونڑاں اے۔ ایس پروگرام دے ذریعے یو ایس ایڈ نے تعلیم دے شعبے وچ دو ڈگری پروگراماں دے چالو کرنڑ وچ ہائیر ایجوکیشن کمیشن پاکستان دی مدد کیتی تے اناں پروگراماں دے تحت داخلے دا حوصلہ ودھاونڑ لئی اک ہزار نو سو تعلیمی وظیفے وی دیوےغ گا۔
صحت
جیکب آباد وچ نویں اسپتال دی بنڑوائی دا آغاز: یو ایس ایڈ نے فروری دے شروع وچ جیکب آباد وچ جدید اسپتال جیکب آباد انسٹی ٹیوٹ آف میڈیکل سائنسز دی بنڑوائی چالو کردیتی وے۔ ایک کروڑ ڈالر مالیت دے نال چھتیا جاونڑ آلا ا133 بستریاں تے شامل اے اسپتال 2015ء وچ مکمل ہوجا وے گا۔ اے اسپتال باہر دے مریضاں دے علاج، ہنگامی طبی امداد تے تشخیصی سہولتاں دے نال نال جیکب آباد، سندھ تے بلوچستان دے لوکاں دی خاص طور تے خدمت کرے گا۔ یو ایس ایڈ ایس اسپتال نو سورج توں بنڑ آلی بجلی دے نظام تے متبادل جنریٹراں نال آراستہ کرے گا۔
کجھہ ہور منصوبے
یو ایس ایڈ دی مالی مدد نال لوکائی این جی او دے ذریعے زنانیاں نو نوکرياں دی فراہمی: یو ایس ایڈ دے فنڈ نال غیر سرکاری تنظیم ’’فارمیشن ایویرنیس کمیونٹی ایمپاورمنٹ سوسائٹی (فیسز)‘‘ ولوں شروع کیتے جانڑ آلے منصوبے دے ذریعے غربت دے چنگل وچ پھسياں اٹھہ سو زنانیاں نو تربیت دیتی گئی جناں چوں نیڑے تيڑے ادھیاں نوں ایس تربیت دے ذریعے نوکریاں لبیاں۔ ایس منصوبے دے ذریعے پنجاب وچ ایک ہزارزنانیاں نو گھرداری دی تربیت دیتی جاوے گی تا او ایس تربیت نوں گھریلو صنعتاں نوں چلاونڑ لئی استعمال کر سکنڑ۔
لقمان – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
