جوش تلاشی

[مہدی نقوی حجاز]

تلاشی​

جس سے ارمانوں میں بجلی آگ طوفانوں میں ہے​

اے حکومت! کیا وہ شے ان میز کے خانوں میں ہے؟​

بند پانی میں صفینہ کھے رہی ہے کس لئے​

تو مرے گھر کی تلاشی لے رہی ہے کس لئے​

گھر میں درویشوں کے کیا رکھا ہے بدنہاد​

آ، میرے دل کی تلاشی لے کہ بر آئے مراد​

جس کے اندر دہشتیں پر ہول طوفانوں کی ہیں​

لرز افگن آندھیاں تیرہ بیابانی کی ہیں​

جس کے اندر ناگ ہیں اے دشمن ہندوستاں​

شیر جس میں ہونکتے ہیں کوندتی ہیں بجلیاں​

چھوٹتی ہیں جس سے نبضیں افسرو سرہنگ کی​

جس میں ہے گونجی ہوئی آواز طبلہ جنگ کی​

جس کے اندر آگ ہے دنیا پہ چھا جائے وہ آگ​

موت جس میں دیکھتی ہے منہ اس آئینہ کو دیکھ​

میرے گھر کو دیکھتی کیا ہے مرے سینے کو دیکھ​

حضرت جوشؔ ملیح آبادی​

 

[سید زبیر]

بہت اعلیٰ کلام
سر ! شریک محفل کرنے کا بہت شکریہ

 

[مہدی نقوی حجاز]

بہت اعلیٰ کلام
سر ! شریک محفل کرنے کا بہت شکریہ

یہ خطاب ہمارے شایان شان نہیں ۔۔۔ واپس لے لیجئے۔۔ پسندیدگی کا شکریہ۔

 

[کاشفی]

جوش ملیح آبادی لکھنوی کا خوبصورت کلام شیئر کرنے کے لیئے بہت شکریہ مہدی نقوی صاحب!

 

[سید زبیر]

یہ خطاب ہمارے شایان شان نہیں ۔۔۔ واپس لے لیجئے۔۔ پسندیدگی کا شکریہ۔

اللہ تبارک تعالیٰ آپ کو دین و دنیا کے مراتب عطا فرمائے (آمین ثم آمین)