"تماشائے محبت"

[شزہ مغل]

محبت اک تماشا ہے، تماشے عام ہوتے ہیں
تماشائے محبت میں سبھی بدنام ہوتے ہیں

موجوں میں ڈوبے، ذہر پیا، سر قلم ہو گئے
محبت کرنے والوں کے یہی انجام ہوتے ہیں

خودی کو ساتھ رکھنا اور سدا یاد رکھنا
مغرور حسن والوں کے، عاشق غلام ہوتے ہیں

دولت و کسی کا ہی لگتا ہے جہاں سارا
بےضمیر شاہوں کو بھی "شزہؔ" سلام ہوتے ہیں​

 

[سید عاطف علی]

اوزان و عروض کی رو سے پہلا شعر درست ہے اور دوسرے شعر کا مصرعِ ثانی درست ہے۔باقی اشعار وزن اور اعتدال کی حدود سے متجاوز ہیں ۔ نیز ٹائپو غلطی بھی ہے۔ "زہر"

 

[شزہ مغل]

اوزان و عروض کی رو سے پہلا شعر درست ہے اور دوسرے شعر کا مصرعِ ثانی درست ہے۔باقی اشعار وزن اور اعتدال کی حدود سے متجاوز ہیں ۔ نیز ٹائپو غلطی بھی ہے۔ "زہر"

شکریہ! مجھے آپ کی اسی رہنمائی کی ضرورت تھی۔

 

[شزہ مغل]

عاطف بھائی! اگر آپ کچھ مدد فرما دیں تو بہت مشکور ہوں گی

 

[شزہ مغل]

دوسرے شعر میں الفاظ کا انتخاب غیر مناسب ہے یا ترتیب الفاظ درست نہیں؟؟؟

 

[شزہ مغل]

ٹیگ نامہ
نیرنگ خیال ، نور سعدیہ شیخ ، ماہی احمد ، مقدس ، رانا ، ابن سعید ، مغل اعظم

 

[لئیق احمد]

خیال تو ہر شعر کا اچھا ہے باقی سید عاطف علی صاحب نے رہنمائی فرما دی ہے۔

 

[ادب دوست]

بہت اچھی کوشش ہے ، خیال پر داد قبول ہو
بہرحال سید عاطف علی بھائی کی بات مناسب ہے ، امید ہے وہ آپ کی رہنمائی کریں گے

 

[رانا]

واہ واہ شزہ بہنا کیا خیالات کو باندھا ہے آپ نے
خودی کو ساتھ رکھنا اور سدا یاد رکھنا
مغرور حسن والوں کے، عاشق غلام ہوتے ہیں
بہت خوب۔
ہمیں شاعری صرف پڑھنے کی حد تک ہی پسند ہے اور وہ بھی آسان ہو تو۔ عاطف بھائی نے جو وزن وغیرہ کی توجہ دلائی ہے تو یہ چیزیں صرف شاعر حضرات ہی نوٹ کرسکتے ہیں ہمیں تو عروض وزن وغیرہ کا کچھ پتہ نہیں۔ لیکن یہ ضرور لگتا ہے کہ آپ ان غلطیوں پر اصلاح لے کر جلد ہی قابو پالیں گی اور انشاء اللہ پھر دودسرے آپ سے اصلاح لیا کریں گے۔
ابھی ایسا کیا کریں کہ اپنی شاعری اس اصلاح سخن کے زمرے میں پوسٹ کردیا کریں۔ وہ زمرہ کیونکہ ہے ہی اصلاح کا تو وہاں محفل کے تمام کہنہ مشق اساتذہ بغیر توجہ دلائے خود ہی اصلاح کردیتے ہیں اور بہت جلد آپ شاعری کے ان اسرار رموز کو سمجھ جائیں گی انشاء اللہ۔

 

[ابن سعید]

شزہ بٹیا ہم اس لڑی کو اصلاح سخن زمرے میں منتقل کر رہے ہیں۔ کئی احباب ذکر کر چکے ہیں کہ تخیل عمدہ ہے پر اوزان پر کام کرنے کی ضرورت ہے۔ ہم ان کی باتوں سے متفق ہیں۔

 

[شزہ مغل]

شزہ بٹیا ہم اس لڑی کو اصلاح سخن زمرے میں منتقل کر رہے ہیں۔ کئی احباب ذکر کر چکے ہیں کہ تخیل عمدہ ہے پر اوزان پر کام کرنے کی ضرورت ہے۔ ہم ان کی باتوں سے متفق ہیں۔

ٹھیک ہے بھیا

 

[نایاب]

واہہہہہہہہہہ
بہت خوب
مجاز ہے یا کہ حقیقت
ہر دو صورت بہت خوب خیال
خودی کو ساتھ رکھنا اور سدا یاد رکھنا
مغرور حسن والوں کے، عاشق غلام ہوتے ہیں
بہت سی دعاؤں بھری داد

 

[شزہ مغل]

واہہہہہہہہہہ
بہت خوب
مجاز ہے یا کہ حقیقت
ہر دو صورت بہت خوب خیال
خودی کو ساتھ رکھنا اور سدا یاد رکھنا
مغرور حسن والوں کے، عاشق غلام ہوتے ہیں
بہت سی دعاؤں بھری داد

تسلیمات

 

[نور وجدان]

محبت اک تماشا ہے، تماشے عام ہوتے ہیں
تماشائے محبت میں سبھی بدنام ہوتے ہیں

موجوں میں ڈوبے، ذہر پیا، سر قلم ہو گئے
محبت کرنے والوں کے یہی انجام ہوتے ہیں

خودی کو ساتھ رکھنا اور سدا یاد رکھنا
مغرور حسن والوں کے، عاشق غلام ہوتے ہیں

دولت و کسی کا ہی لگتا ہے جہاں سارا
بےضمیر شاہوں کو بھی "شزہؔ" سلام ہوتے ہیں​

تخییل کی پرواز بہت اچھی ہے ، لگتا ہے شاعری میں ''پر'' پھیلانے ۔۔۔۔۔۔!!!

 

[شزہ مغل]

تخییل کی پرواز بہت اچھی ہے ، لگتا ہے شاعری میں ''پر'' پھیلانے ۔۔۔۔۔۔!!!

مکمل کیجیئے آپی جی

 

[شزہ مغل]

تخییل کی پرواز بہت اچھی ہے ، لگتا ہے شاعری میں ''پر'' پھیلانے ۔۔۔۔۔۔!!!

میں تو تخیل کے پر لگا کر پرواز کرنا چاہ رہی تھی مگر عروض و اوزان کی آندھیوں نے ناتواں تتلی کو بدحواس کرنا شروع کر دیا۔ اب احساس ہوا کہ شاعری کے آسمان کی سیر کے لیے ابھی مجھے بہت محنت کرنی پڑے گی۔ چھوٹی چھوٹی ٹہنیوں پر پڑاؤ کرنا ہو گا۔

 

[نیرنگ خیال]

بہت اچھی شاعری ہے۔۔۔۔۔ عروض پر توجہ دو۔۔۔ ایک بار سمجھ لو گی تو پھر باقی زندگی کے جو چند سال بچیں گے ان میں شاعری میں مسئلہ نہ ہوگا۔

 

[شزہ مغل]

ہمارے ہی الفاظ
ہم ہی کو بولتے کیوں ہو؟؟؟

کیا ہم نے غلط کہا؟؟؟
یا معنی بدل گئے؟؟؟
یا پھر تمہیں یوں لگتا ہے
کہ ہم سب بھول چکے؟؟؟
سنو
تم ہم کو سمجھنے کی
کبھی کوشش نہیں کرنا...
ہم الجھے ہوئے دھاگے ہیں
ہم موتی نہ پروئیں گے...