قتیل شفائی تمہاری انجمن سے اُٹھ کے دیوانے کہاں جاتے

[امراؤ جان ادا]

تمہاری انجمن سے اُٹھ کے دیوانے کہاں جاتے
جو وابستہ ہوئے تم سے وہ افسانے کہاں جاتے
نکل کر دیر و کعبہ سے اگر ملتا نہ مے خانہ
تو ٹھکرائے ہوئے انساں خدا جانے کہاں جاتے
تمہاری بے رخی نے لاج رکھ لی بادہ خانے کی
تم آنکھوں سے پلا دیتے تو پیمانے کہاں جاتے
چلو اچھا ہوا، کام آ گئی دیوانگی اپنی
وگرنہ ہم زمانے بھر کو سمجھانے کہاں جاتے
قتیلؔ اپنا مقدر غم سے بے گانہ اگر ہوتا
تو پھر اپنے پرائے ہم سے پہچانے کہاں جاتے

قتیلؔ شفائی

 

[امراؤ جان ادا]

مہدی نقوی حجاز اچھے بھائی ذرا اربابِ سخن کو ٹیگ تو کر دو

 

[طارق شاہ]

بہت اچھی غزل انتخاب کی ہے تشکّر شیئر کرنے کے لئے !
قتیل صاحب بہت ہی خوب شاعر تھے اور بہت ہی خوب تحریروں کے خالق ہیں
الله مرحوم کو جوار رحمت میں جگہ دے ،

اس غزل کی شروع کے تین اشعار ربط کے تناظر میں دیکھیں تو بہتری کے خواہاں نظر آتے ہیں
کچھ اس طرح کا زیادہ مربوط ہوتا۔

تمہاری انجُمن سے اُٹھ کے دِیوانے کہاں جاتے
نئے، ہر روز بنتے ہیں جو افسانے کہاں جاتے

نہ مِلتا دیر و کعبہ کے نِکالوں کو جو مے خانہ
تو ٹھکرائے ہوئے اِنساں خُدا جانے کہاں جاتے

تغافل سے حسِینوں کی، رہیں قائم یہ میخانے !
سب آنکھوں سے اگر پیتے تو پیمانے کہاں جاتے

چلو اچھّا ہُوا، کام آ گئی دیوانگی اپنی
وگرنہ ہم زمانے بھر کو سمجھانے کہاں جاتے

قتیل اپنا مُقدّر غم سے بے گانہ اگر ہوتا
تو پھر اپنے پرائے ہم سے پہچانے کہاں جاتے

ویسے ہی اجتماعی آگاہی اور فلاح کے لئے رائے دی یا یوں لکھا
تشکّر
بہت خوش رہیں

 

[امراؤ جان ادا]

بھئی اب یہ تو آپ کا شفائی صاحب کا معاملہ ہے، ہم کیا کہیں

 

[شمشاد]

اچھا انتخاب ہے۔ شریک محفل کرنے کا شکریہ۔

 

[امراؤ جان ادا]

ماموں آپ نے پسند کر لیا
بس اب تو بات بن گئی سچی

 

[شمشاد]

پسند تو میں نے کئی سال پہلے کر لی تھی۔

 

[امراؤ جان ادا]

ہاہاہاہاہاہا ظاہر ہے جب موقع ملا تب ہی پسند کرنی تھی
میں تو شاعری کی بات کرہی تھی

 

[شمشاد]

تو میں بھی تو شاعری ہی کی بات کر رہا ہوں۔ آپ کیا سمجھیں میں کس کی بات کر رہا ہوں؟

 

[امراؤ جان ادا]

ممانی کی

 

[شمشاد]

آنٹی جی اس کی بات ہی نہ کریں۔

 

[امراؤ جان ادا]

ہااااااا کیوں؟

 

[شمشاد]

کیونکہ میں نے آپ کی ممانی کو دیکھا جو نہیں ہوا۔

 

[امراؤ جان ادا]

ملی بھی ہیں یا نہیں ابھی؟؟؟؟

 

[شمشاد]

مل جائے گی، ابھی اتنی جلدی کیا ہے۔

 

[امراؤ جان ادا]

 

[فلک شیر]

چلو اچھا ہوا، کام آ گئی دیوانگی اپنی
وگرنہ ہم زمانے بھر کو سمجھانے کہاں جاتے
خیال یہ ہے، کہ اس ٹکر کا شعر کم ہی ہوتا ہے کہیں بھی....................سبحان اللہ
عجیب چیز ہے یہ

 

[فلک شیر]

بہت اچھے ادا بٹیا

عمدہ ذوق کی دلالت ہے۔

 

[امراؤ جان ادا]

آداب بھیا جی

 

[کاشفی]

بہت خوبصورت انتخاب ہے۔۔بہت شکریہ امراؤ جان ادا صاحبہ اور طارق شاہ صاحب!