تمہارے شہر کا موسم بڑا سہانا لگے

[نظام الدین]

تمہارے شہر کا موسم بڑا سہانا لگے
میں ایک شام چرالوں اگر برا نہ لگے

تمہارے بس میں اگر ہے تو بھول جاؤ ہمیں
تمہیں بھلانے میں شاید ہمیں زمانہ لگے

جو ڈوبنا ہے تو اتنے سکون سے ڈوبو
کہ آس پاس کی لہروں کو بھی پتہ نہ لگے

اسی لئے تو کھلائے ہیں پھول صفحوں پر
ہمیں جو زخم لگے ہیں وہ دوستانہ لگے

وہ اک ستارہ کہ جو راستہ دکھائے ہمیں
وہ اک اشارہ کہ جو حرف محرمانہ لگے

نہ جانے کب سے کوئی میرے ساتھ ہے قیصر
جو اجنبی نہ لگے اور آشنا نہ لگے

(نذیر قیصر)​

 

[طارق شاہ]

جناب قیصرالجعفری صاحب کی مشہورِ زمانہ غزل کے لئے بہت سی داد اور تشکّر۔

 

[عامر منیر]

جو ڈوبنا ہے تو اتنے سکون سے ڈوبو
کہ آس پاس کی لہروں کو بھی پتہ نہ لگے

بہت خوب، کیا کہنے!

 

[صدام حسین]

کہیں یہ شعر پڑھا تھا کیا یہ اسی غزل کا ہے:

؎مجھے تو روک رہے ہو تم اس کی پوجا سے
اسے یہ کیوں نہیں کہتے کہ وہ دیوتا نہ لگے

 

[عبد الرحمٰن]

تمہارے شہر کا موسم بڑا سہانا لگے
میں ایک شام چرالوں اگر برا نہ لگے

آج کا موسم اور یہ شاعری لاجواب

 

[وقاص منظور]

وہ پھول جو مرے دامن سے ہو گئے منسوب

خدا کرے انہیں بازار کی ہوا نہ لگے

نہ جانے کیا ہے کسی کی اداس آنکھوں میں

وہ منہ چھپا کے بھی جائے تو بے وفا نہ لگے

تو اس طرح سے مرے ساتھ بے وفائی کر

کہ تیرے بعد مجھے کوئی بے وفا نہ لگے

تم آنکھ موند کے پی جاؤ زندگی قیصرؔ

کہ ایک گھونٹ میں ممکن ہے بد مزہ نہ لگ

 

[فرقان احمد]

تمہارے شہر کا موسم بڑا سہانا لگے
میں ایک شام چرالوں اگر برا نہ لگے

تمہارے بس میں اگر ہے تو بھول جاؤ ہمیں
تمہیں بھلانے میں شاید ہمیں زمانہ لگے

جو ڈوبنا ہے تو اتنے سکون سے ڈوبو
کہ آس پاس کی لہروں کو بھی پتہ نہ لگے

اسی لئے تو کھلائے ہیں پھول صفحوں پر
ہمیں جو زخم لگے ہیں وہ دوستانہ لگے

وہ اک ستارہ کہ جو راستہ دکھائے ہمیں
وہ اک اشارہ کہ جو حرف محرمانہ لگے

نہ جانے کب سے کوئی میرے ساتھ ہے قیصر
جو اجنبی نہ لگے اور آشنا نہ لگے

(نذیر قیصر)​

بہت خوب صورت غزل ہے، اور ہماری نہایت پسندیدہ ۔۔۔! تاہم، شاعر کا نام نذیر قیصر نہیں ہے، یہ غزل قیصرالجعفری صاحب کی ہے۔ یہ رہا ربط