تم یہ کیسے جدا ہوگئے

[ظفری]

تم یہ کیسے جدا ہوگئے
ہر طرف ، ہر جگہ ہوگئے

اپنا چہرہ نہ بدلا گیا
آئینے سے ، خفا ہوگئے

جانے والے گئے بھی کہاں
چاند سورج ، گھٹا ہوگئے

بے وفا تم نہ وہ تھے نہ ہم
یوں ‌ہوا ، بس جدا ہوگئے

آدمی بننا آساں نہ تھا
شیخ جی ، پارسا ہوگئے
​

 

[محسن حجازی]

واہ۔۔۔ یو ٹیوب پر ملی نہیں کیا جگجیت نے گائی ہے۔۔۔

 

[فرخ منظور]

واہ۔۔۔ یو ٹیوب پر ملی نہیں کیا جگجیت نے گائی ہے۔۔۔

جی ہاں جگجیت نے ہی گائی ہے -

 

[محسن حجازی]

فرخ بھائی میں نے سن رکھی ہے میرامطلب تھا کہ کیا اعلی گائی ہے جگجیت نے۔

 

[امیداورمحبت]

بہت اچھی غزل ہے ۔ ۔ بہت عمدہ گائی بھی گئی ہے

 

[جیہ]

بھئی ظفری، آج کل آپ کا انتخاب لا جواب ہوتا ہے مگر گستاخی معاف۔۔۔ یہ انتخاب دیکھ کر چچا غالب یاد آ رہے ہیں

کھلتا کسی پہ کیوں مرے دل کا معاملہ
شعروں کے انتخاب نے رسوا کیا مجھے

 

[ظفری]

چچا غالب نے صحیح کہا ہے جویریہ ۔۔۔۔ ورنہ

کوئی تو بات ہے ایسی کہ آپ یاد آتے ہیں
وگرنہ یہاں رکھتا ہے کون، کسے یاد

 

[محمد وارث]

شکریہ ظفری بھائی خوبصورت غزل شیئر کرنے کیلیئے

 

[یونس رضا]

شکریہ ظفری اچھی غزل ہے