http://urdu.samaa.tv/sports/16-Jul-2014/18512
سٹاف رپورٹ
میامی : امريکا ميں مسٹر يونيورس کا مقابلہ جيتنے والے پاکستانی باڈی بلڈر بنارس خان پر ماڈلنگ کی دنيا کے دروازے کھل گئے، دنيا بھر کے باڈی بلڈرز کو پچھاڑنے والا لاہوری باڈی بلڈر 23 جولائی کو وطن واپس پہنچے گا۔
امريکی شہر ميامی ميں مسٹر يونيورس کے انتخاب کيلئے ميلہ سجا، دنيا بھر کے باڈی بلڈرز نے مقابلے ميں اپنے اپنے مسلز دکھائے ليکن بازی ماری لاہوری بنارس خان نے اور مسٹر يونيورس بن گئے۔
امريکا سے سماء سے گفتگو کرتے ہوئے بنارس خان نے اللہ کا شکرا دا کرتے ہوئے کہا کہ وہ پاکستان کا جھنڈا دنيا بھر ميں لہرائيں گے۔
مسٹر يونيورس کا ٹائٹل جيتنے کے بعد انہيں مختلف ممالک سے ماڈلنگ کی آفر ہورہی ہے، پہلی مرتبہ مسٹر يونيورس کا ٹائٹل جيتنے والے پاکستانی باڈی بلڈر 23 جولائی کو وطن واپس پہنچيں گے۔
مقابلے ميں لاہور ہی کے سلمان احمد لائٹ ويٹ کيٹگری ميں دوسرے نمبر پر رہے۔
مسٹر يونيورس مقابلوں ميں عامر رحيم پہلے پاکستانی تھے جو ٹاپ 10 ميں آئے، 2009ء ميں عامر رحیم کا نمبر ساتواں تھا۔ سماء
