تو شمع رسالت ہے عالم تیرا پروانہ

[لئیق احمد]

تو شمع رسالت ہے عالم تیرا پروانہ
تو ماہ نبوت ہے اے جلوہ جاناناں
تو ماہ نبوت ہے اے جلوہ جاناناں
جو ساقی کوثر کے چہرے سے نقاب اٹھے
ہر دل بنے میخانہ ہر آنکھ ہو پیمانہ
ہر دل بنے میخانہ ہر آنکھ ہو پیمانہ
سنگ در جاناں پرکرتا ہوں جبیں سائی
سجدہ نہ سمجھ نجدی سر دیتا ہوں نذرانہ
سجدہ نہ سمجھ نجدی سر دیتا ہوں نذرانہ
دل اپنا چمک اٹھے ایمان کی طلعت سے
کر آنکھیں بھی نورانی اے جلوہ جاناناں
کر آنکھیں بھی نورانی اے جلوہ جاناناں
گر پڑ کے یہاں پہنچا مر مر کے اسے پایا
چھوٹے نہ الہی اب سنگ در جاناں
چھوٹے نہ الہی اب سنگ در جاناں
سرکار کے جلووں سے روشن ہے دل نوری
تا حشر رہے روشن نوری کا یہ کاشانہ

صلی اللہ علی محمد- صلی اللہ علیہ وسلم​

 

[الشفاء]

چُھوٹے نہ الٰہی اب سنگ در جاناناں۔۔۔

 

[فاروق احمد بھٹی]

بہت خوبصورت نعت۔۔ سکول کے زمانے میں بہت پڑھی کلاس میں اور ایک دفعہ مقابلہ نعت میں شرکت کی تو تب بھی یہی نعت شریف پڑھی تھی۔۔

 

[arifkarim]

تو شمع رسالت ہے عالم تیرا پروانہ قاری محمد طارق کی لاجواب آواز میں:
یہ میری سب سے زیادہ پسندیدہ نعت ہے۔ لئیق احمد کیا آپ بتا سکتے ہیں یہ کس نے لکھی ہے؟

 

[لئیق احمد]

یہ میری سب سے زیادہ پسندیدہ نعت ہے۔ لئیق احمد کیا آپ بتا سکتے ہیں یہ کس نے لکھی ہے؟

یہ کوئی نوری صاحب ہیں۔ پورا نام اب یاد نہیں۔ شاید فاروق احمد بھٹی بھائی جانتے ہوں۔

 

[الشفاء]

یہ میری سب سے زیادہ پسندیدہ نعت ہے۔ لئیق احمد کیا آپ بتا سکتے ہیں یہ کس نے لکھی ہے؟

ماشاء اللہ۔۔۔ کیا بات ہے!!!

یہ مفتی اعظم ہند مولانا مصطفٰے رضا خان نوری رحمۃ اللہ علیہ کا کلام ہے جو امام احمد رضا خان رحمۃ اللہ علیہ کے صاحبزادے ہیں۔۔۔

 

[فاروق احمد بھٹی]

یہ کوئی نوری صاحب ہیں۔ پورا نام اب یاد نہیں۔ شاید فاروق احمد بھٹی بھائی جانتے ہوں۔

مفتی اعظم ہند حضرت علامہ مصطفیٰ رضا خان نوری رحمتہ اللہ تعالیٰ علیہ ۔۔۔۔جو کہ امام احمد رضا خان رحمتہ اللہ علیہ کے صاحبزادے ہیں۔۔ان کے نعتیہ دیوان "سامان بخشش" سے ہے یہ کلام ہے۔

 

[لئیق احمد]

پہلی مرتبہ اویس رضا کی آواز میں یہ نعت سنی تھی۔ بعد میں شاعر کا نام بھی دیکھا مگر بھول گیا

 

[فاروق احمد بھٹی]

پہلی مرتبہ اویس رضا کی آواز میں یہ نعت سنی تھی۔ بعد میں شاعر کا نام بھی دیکھا مگر بھول گیا

جی اویس رضا قادری صاحب نے بہت خوبصورت انداز میں پڑھا ہے اس کلام کو

 

[لئیق احمد]

جی اویس رضا قادری صاحب نے بہت خوبصورت انداز میں پڑھا ہے اس کلام کو

اویس رضا بہت باکمال نعت خوان ہے۔ ماشاءاللہ

 

[فاروق احمد بھٹی]

اویس رضا بہت باکمال نعت خوان ہے۔ ماشاءاللہ

جی ان کی پڑھی ہوئی اکثر نعتوں کو مقبولیت عام ملی اور بچے بچے کی زبان پر ان کی پڑھی ہوئی نعتیں جاری ہو جاتی ہیں اور گلی گلی محلے محلے بچے ان کی طرز پر نعت پڑھتے دکھائی دیتے ہیں ۔۔سب سے بڑی مثالیں کم سن نعت خوانوں کی ہیں جو اویس قادری صاحب کی نعتوں کو پڑھنا سہل سمجھتے ہیں ۔۔جیسے کم سن نعت خوان فرحان علی قادری۔۔

 

[لئیق احمد]

جی ان کی پڑھی ہوئی اکثر نعتوں کو مقبولیت عام ملی اور بچے بچے کی زبان پر ان کی پڑھی ہوئی نعتیں جاری ہو جاتی ہیں اور گلی گلی محلے محلے بچے ان کی طرز پر نعت پڑھتے دکھائی دیتے ہیں ۔۔سب سے بڑی مثالیں کم سن نعت خوانوں کی ہیں جو اویس قادری صاحب کی نعتوں کو پڑھنا سہل سمجھتے ہیں ۔۔جیسے کم سن نعت خوان فرحان علی قادری۔۔

میں نے دیو بند مکتبہ فکر سے تعلق رکھنے والوں کو بھی اویس رضا کی نعتیں بہت شوق سے سنتے دیکھا ہے

 

[arifkarim]

جی اویس رضا قادری صاحب نے بہت خوبصورت انداز میں پڑھا ہے اس کلام کو

قاری محمد طارق آف فرانس سے بہرحال بہتر نہیں ہے۔ خود سُن کر فیصلہ کر لیں:

 

[افضل حسین]

مفتی اعظم ہند کی لکھی ہوئی مشہور نعت ہے۔نوری تخلص رکھتے تھے۔

 

[arifkarim]

میں نے دیو بند مکتبہ فکر سے تعلق رکھنے والوں کو بھی اویس رضا کی نعتیں بہت شوق سے سنتے دیکھا ہے

بہت "معلوماتی" ہے کہ نعت خوانی جیسے غیرمتنازع کلام میں بھی مسلمانوں کی پسند نا پسند مختلف مکاتب الفکر و مسالک کے گرد ہی گھوم رہی ہے
فاتح رانا نایاب

 

[نایاب]

بہت "معلوماتی" ہے کہ نعت خوانی جیسے غیرمتنازع کلام میں بھی مسلمانوں کی پسند نا پسند مختلف مکاتب الفکر و مسالک کے گرد ہی گھوم رہی ہے

اختلاف ہی تو " مسالک " کو زندہ رکھے ہوئے ہے ۔۔۔۔۔۔۔۔۔
بہت دعائیں

 

[loneliness4ever]

بہت "معلوماتی" ہے کہ نعت خوانی جیسے غیرمتنازع کلام میں بھی مسلمانوں کی پسند نا پسند مختلف مکاتب الفکر و مسالک کے گرد ہی گھوم رہی ہے
فاتح رانا نایاب

یہ کام بھی مسالک کے درمیان اس لئے گھوم رہا ہے کیوں کہ پہلے پہل دیو بند مکتب فکر میں ایک مخصوص فرقہ
نعت خوانی ہی کے خلاف تھا کہ جواز یہ تھا کہ یہ ٹھیک نہیں، فلاح مسئلہ یوں ہوتا ہے، فلاں بات یوں ہوتی ہے
پھر یوں ہوا کہ اپنی تعداد اور معاشرے پر گرفت مضبوط کرنے کے لئے اور دیگر مسالک کے لوگوں کو بھی اپنی
جانب بلانے کے لئے نعت خوانی کو جائز قرار دیا گیا مگر اس احتیاط کے ساتھ کہ جس نعت میں ’’ یارسول اللہ‘‘ کی ندا ہو، یا اس ہی طرح کی دیگر باتیں کہ ’’سایہ بھی نہیں جیسے‘‘ ان نعتوں سے دامن بچایا جائے کہ ان نعتوں میں شرکیہ باتیں کہی جاتی ہیں اس لئے یہ نعتیں نہ پڑھی جائیں، یوں جب شاعری میں بریلوی مسلک کے عقائد جھلکنے لگ جائیں تو دیو بند مکتبہ فکر کے لئے وہ نعت متنازع حیثیت اختیار کر لیتی ہے کہ ان کی یہاں ’’یا‘‘ صرف اللہ کے آگے لگایا جا سکتا ہے اور روضہ رسول پر ’’ یا رسول‘‘ کہا جا سکتا ہے، وغیرہ وغیرہ

امید ہے عارف بھائی آپ سمجھ گئے ہونگے کہ لئیق بھائی نے وہ بات کن باتوں کو سوچ کر کہی ہوگی

 

[arifkarim]

یہ کام بھی مسالک کے درمیان اس لئے گھوم رہا ہے کیوں کہ پہلے پہل دیو بند مکتب فکر میں ایک مخصوص فرقہ
نعت خوانی ہی کے خلاف تھا کہ جواز یہ تھا کہ یہ ٹھیک نہیں، فلاح مسئلہ یوں ہوتا ہے، فلاں بات یوں ہوتی ہے
پھر یوں ہوا کہ اپنی تعداد اور معاشرے پر گرفت مضبوط کرنے کے لئے اور دیگر مسالک کے لوگوں کو بھی اپنی
جانب بلانے کے لئے نعت خوانی کو جائز قرار دیا گیا مگر اس احتیاط کے ساتھ کہ جس نعت میں ’’ یارسول اللہ‘‘ کی ندا ہو، یا اس ہی طرح کی دیگر باتیں کہ ’’سایہ بھی نہیں جیسے‘‘ ان نعتوں سے دامن بچایا جائے کہ ان نعتوں میں شرکیہ باتیں کہی جاتی ہیں اس لئے یہ نعتیں نہ پڑھی جائیں، یوں جب شاعری میں بریلوی مسلک کے عقائد جھلکنے لگ جائیں تو دیو بند مکتبہ فکر کے لئے وہ نعت متنازع حیثیت اختیار کر لیتی ہے کہ ان کی یہاں ’’یا‘‘ صرف اللہ کے آگے لگایا جا سکتا ہے اور روضہ رسول پر ’’ یا رسول‘‘ کہا جا سکتا ہے، وغیرہ وغیرہ

امید ہے عارف بھائی آپ سمجھ گئے ہونگے کہ لئیق بھائی نے وہ بات کن باتوں کو سوچ کر کہی ہوگی

اُفف! ہمیں تو معلوم ہی نہیں تھا کہ پچھلے 1400 برس میں یہ "آسان" دین ترقی کرتے کرتے آج محض زیر، زبر میں اختلاف کی وجہ سے یہ شکل اختیار کر جائے گا۔ بہرحال جسے آنحضور صلی للہ علیہ وسلم کی سیرت طیبہ سے حقیقی پیار ہو، وہ مسالک اور سرکاری مسلمانوں کے فتووں کی پرواہ کئے بغیر قادیانی شعراء کی لکھی ہوئی نعتیں بھی شوق سے پڑھ / سن لیتے ہیں۔ ذیل میں ایک قادیانی کی لکھی ہوئی نعت میں کوئی متنازع عقائد نظر آئیں تو مطلع کر دیجئے گا:

 

[loneliness4ever]

قاری محمد طارق آف فرانس سے بہرحال بہتر نہیں ہے۔ خود سُن کر فیصلہ کر لیں:

جی اویس رضا قادری صاحب نے بہت خوبصورت انداز میں پڑھا ہے اس کلام کو

جس طرح پانچ انگلیوں کی لمبائی میں فرق ہوتا ہے
اس ہی طرح دو بھائیوں کی پسند میں بھی فرق آ سکتا ہے
اور لیں مجھ تیسرے کو شمار کر لیں تو مجھے اویس رضا صاحب کے بجائے
محترم مشتاق قادری مرحوم کی آواز اور انداز میں یہ نعت زیادہ پسند ہے
اپنی اپنی پسند مگر ہم کسی کو بھی اول نہیں کہہ سکتے اول تو وہ ہے جس کو
بارگاہ رسالت میں زیادہ محبوب قرار دیا گیا ہو گا ۔۔۔۔۔ جزاک اللہ

 

[لئیق احمد]

ذیل میں ایک قادیانی کی لکھی ہوئی نعت میں کوئی متنازع عقائد نظر آئیں تو مطلع کر دیجئے گا

جی ان کی ترجمانی کرنا تو آپ کا اخلاقی فرض ہے۔