تُو بن گیا ہے دولہا کنوارا میں رہ گیا

[عاطف ملک]

آج کل شادیوں کا سیزن چل رہا ہے اور ہم کنواروں کیلیے انتہائی صبر آزما وقت ہے۔اسی کیفیت کو نظم کرنے کی ایک کوشش پیش ہے۔

تُو بن گیا ہے دولہا کنوارا میں رہ گیا
ہے جان لیوا صدمہ کنوارا میں رہ گیا

مِس کال دے کے میں تجھے شب بھر ستاؤں گا
ہے جرم تیرا اتنا کنوارا میں رہ گیا

وہ عمر جس میں جوششِ الفت تھی اوج پر
کاندھے پہ ڈالے بستہ کنوارا میں رہ گیا

دل میں کسی کے قرب و محبت کی خواہشیں
بانہوں میں لے کے تکیہ کنوارا میں رہ گیا

ٹہنی پہ اک شجر کی کہیں تنہا بیٹھ کر
بلبل تھا کوئی کہتا کنوارا میں رہ گیا

بیگم کو پیارے ہو گئے اک ایک کر کے دوست
حسرت سے ہاتھ ملتا کنوارا میں رہ گیا

تسخیرِ ذات گرچہ عنایت بڑی ہے عینؔ
خود سے مگر الجھتا کنوارا میں رہ گیا

عینؔ میم
اپریل ۲۰۲۱​

 

[محمد تابش صدیقی]

مِس کال دے کے میں تجھے شب بھر ستاؤں گا
ہے جرم تیرا اتنا کنوارا میں رہ گیا

کتنے مجرم ہیں؟

تسخیرِ ذات گرچہ عنایت بڑی ہے عینؔ
خود سے مگر الجھتا کنوارا میں رہ گیا

اگر شادی کر لی ہوتی تو اب تک تسخیرِ ذات فری میں ہو گئی ہوتی۔

 

[اے خان]

بیگم کو پیارے ہو گئے اک ایک کر کے دوست
حسرت سے ہاتھ ملتا کنوارا میں رہ گیا

وہ دوست جو راتوں کو دیر تک بیٹھک میں بیٹھ کر گپیں مارتے اب شام ہوتی ہے تو گھر کی راہ لیتے ہیں

 

[اے خان]

مِس کال دے کے میں تجھے شب بھر ستاؤں گا
ہے جرم تیرا اتنا کنوارا میں رہ گیا

 

[اے خان]

واہ عاطف بھائی کمال

 

[عاطف ملک]

کتنے مجرم ہیں؟

اب تو شمار کرنا بھی مشکل ہو گیا

اگر شادی کر لی ہوتی تو اب تک تسخیرِ ذات فری میں ہو گئی ہوتی۔

پھر دوسرے مصرع میں کچھ تبدیلیاں کرنی پڑتیں

سرگوشی

تجھ سے مگر الجھتا بے چارہ میں رہ گیا

وہ دوست جو راتوں کو دیر تک بیٹھک میں بیٹھ کر گپیں مارتے اب شام ہوتی ہے تو گھر کی راہ لیتے ہیں

واہ عاطف بھائی کمال

شکریہ بھائی

 

[البرق علوی]

لاجواب...
ہم آپ کے غم میں برابر کے شریک ہیں۔

 

[یاسر شاہ]

السلام علیکم
عاطف بھائی آتے جاتے رہا کریں۔

طبیب چاہیے اس ہسپتال کو ایسا
جسے مریض سے نفرت نہ ہو مرض سے ہو

مِس کال دے کے میں تجھے شب بھر ستاؤں گا
ہے جرم تیرا اتنا کنوارا میں رہ گیا


دل میں کسی کے قرب و محبت کی خواہشیں
بانہوں میں لے کے تکیہ کنوارا میں رہ گیا

ٹہنی پہ اک شجر کی کہیں تنہا بیٹھ کر
بلبل تھا کوئی کہتا کنوارا میں رہ گیا

 

[گُلِ یاسمیں]

عاطف بھائی
زبردست۔

 

[میم الف]

ما شا٫ اللہ عاطف صاحب
عمدہ اظہار ہے

بیگم کو پیارے ہو گئے اک ایک کر کے دوست
حسرت سے ہاتھ ملتا کنوارا میں رہ گیا​

بیگم کو پیارے ہو گئے - اللہ کو پیارے ہو گئے
بات کچھ ہم معنی سی لگتی ہے۔

 

[جاسمن]

واہ بھئی واہ!
بہت خوب!

 

[عاطف ملک]

لاجواب...
ہم آپ کے غم میں برابر کے شریک ہیں۔

تیرا غم میرا غم ایک جیسا وغیرہ

السلام علیکم
عاطف بھائی آتے جاتے رہا کریں۔

طبیب چاہیے اس ہسپتال کو ایسا
جسے مریض سے نفرت نہ ہو مرض سے ہو

وعلیکم السلام۔۔۔۔اس محبت کیلیے ممنون ہوں
کوشش تو ہوتی ہے کہ حاضری دی جائے لیکن کبھی کبھی خاموش دورہ کر کے غائب ہو جاتا ہوں۔
ویسے بھی کرونا کی تیسری لہر کی وجہ سے مصروفیات بڑھ گئی تھیں۔
ہوئی تاخیر تو کچھ باعثِ تاخیر بھی تھا

عاطف بھائی
زبردست۔

شکریہ محترمہ

عمدہ اظہار ہے

اظہار ہی تو نہیں کر سکتے
بہرحال۔۔۔۔۔۔شکریہ

واہ بھئی واہ!
بہت خوب!

بہت بہت شکریہ آپا