ثمینہ راجہ : یا رب لب خموش کو ایسا جمال دے

[سید زبیر]

دعا​

​

یا رب لب خموش کو ایسا جمال دے​

جو گفتگو کے سارے ہی لہجے اجال دے​

سوز درون قلب کو اتنا کمال دے​

جو مجھ کو ایک شمع کے قالب میں ڈھال دے​

پردے ہٹا ، دکھادے تجلی سے شش جہات​

پھر مطمئن وجود کو روح غزال دے​

وہ خواب مرحمت ہو کہ آنکھیں چمک اٹھیں​

وہ سرخوشی عطا ہو کہ دنیا مثال دے​

وہ حرف لکھ سکوں کہ بنے حرف پر اثر​

اک کام کر سکوں تو مجھے گر مجال دے​

میں اپنی شاعری کے لیے آئینہ بنوں​

راحت نہیں ، تو مجھ کو بقائے ملال دے​

تیرے ہی آستاں پہ جھکی ہو جبیں دل​

اپنے ہی در کے واسطے خوئے سوال دے​

ثمینہ راجہ​

​

​

​

​

 

[Saadullah Husami]

سید زبیر بھائ
ماشاء اللہ نہایت پختہ کلام بر حمد باری از الحرہ ثمینہ راجہ صاحبہ نظرنواز ہوا ۔
ممنون ۔
وہ حرف لکھ سکوں کہ بنے حرف پر اثر
اک کام کر سکوں تو مجھے گر مجال دے
میں اپنی شاعری کے لیے آئینہ بنوں
راحت نہیں ، تو مجھ کو بقائے ملال دے
تیرے ہی آستاں پہ جھکی ہو جبیں دل
اپنے ہی در کے واسطے خوئے سوال دے

 

[حسیب نذیر گِل]

وہ خواب مرحمت ہو کہ آنکھیں چمک اٹھیں
وہ سرخوشی عطا ہو کہ دنیا مثال دے
سبحان اللہ ۔بہت عمدہ
جزاک اللہ سید زبیر انکل