ایاز صدیقی جادہء مدینہ ہے اور کارواں اپنا

[مہ جبین]

جادہء مدینہ ہے اور کارواں اپنا​

عزم ہمسفر اپنا، شوق ہم عِناں اپنا​

​

رحمتِ دوعالم ہے ، فخرِ مرسلاں اپنا​

رہبروں کا رہبر ہے میرِ کارواں اپنا​

​

جب سے ارضِ طیبہ کو ہم نے محترم جانا​

احترام کرتا ہے تب سے آسماں اپنا​

​

شاید اِس طرف سے وہ سیرِ عرش کو جائیں​

راستہ بدلتی ہے روز کہکشاں اپنا​

​

ڈھل گیا حضوری میں کربِ دوریءِ منزل​

لے اڑا ہمیں آخر شوقِ پَر فشاں اپنا​

​

روضہء محمد پھر روضہء محمد ہے​

خلد کے عوض کیوں دوں گلشنِ جہاں اپنا​

​

میں ایاز ہوں اُن کا میں غلام ہوں اُن کا​

کر لیا دوعالم کو میں نے ہم زباں اپنا​

​

ایاز صدیقی​

​

​

 

[سید زبیر]

روضہء محمد پھر روضہء محمد ہے
خلد کے عوض کیوں دوں گلشنِ جہاں اپنا
سبحان اللہ کیا عقیدت ہے ، ، جزاک اللہ

 

[مہ جبین]

روضہء محمد پھر روضہء محمد ہے
خلد کے عوض کیوں دوں گلشنِ جہاں اپنا
سبحان اللہ کیا عقیدت ہے ، ، جزاک اللہ

بہت شکریہ بھائی

 

[عاطف بٹ]

شاید اِس طرف سے وہ سیرِ عرش کو جائیں
راستہ بدلتی ہے روز کہکشاں اپنا
سبحان اللہ، بہت ہی عمدہ نعت ہے۔
جزاک اللہ خیرا خالہ جان

 

[مہ جبین]

شاید اِس طرف سے وہ سیرِ عرش کو جائیں
راستہ بدلتی ہے روز کہکشاں اپنا
سبحان اللہ، بہت ہی عمدہ نعت ہے۔
جزاک اللہ خیرا خالہ جان

بہت شکریہ عاطف بٹ
خوش رہیں