نبیل
تکنیکی معاون
السلام علیکم،
میں پوسٹ میں عرض کر چکا ہوں کہ میں نے جاوا میں اردو ایڈیٹر لکھنے پر کچھ ابتدائی کام کیا ہے۔ اس کا بنیادی مقصد ایک کراس پلیٹ فارم اردو ایڈیٹر کی فراہمی ہے۔ اگرچہ موجودہ ورژن کافی سادہ نظر آتا ہے لیکن اس میں اردو نوٹ پیڈ کی تمام ضروری فیچرز شامل ہیں۔ اس میں صوتی اردو کی بورڈ کے ذریعے اردو لکھی جا سکتی ہے۔ اس کے علاوہ اس میں اردو ٹیکسٹ کی فائلیں سیو اور لوڈ کرنا بھی ممکن ہے۔ ابھی اس میں لینگویج موڈ تبدیل کرنے کے لیے کی بورڈ شارٹ کٹ کی سہولت موجود نہیں ہے۔ اس کے لیے Tools مینو میں جا کر Toggle Language پر کلک کرنا پڑتا ہے۔ جیسا کہ بالا کے سکرین شاٹ میں نظر آ رہا ہے، اس اردو ایڈیٹر میں نفیس ویب نسخ فونٹ کا استعمال کیا گیا ہے۔
فی الحال میں جاوا اردو ایڈیٹر کا سورس کوڈ فراہم کر رہا ہوں۔ اسے کمپائل کرکے استعمال کیا جا سکتا ہے۔ اس کے لیے آپ کے سسٹم پر جاوا رن ٹائم انسٹال ہونا ضروری ہے۔ میں نے کوشش تو کی تھی کہ اس کی ایک jar فائل بنا کر فراہم کر دوں تاکہ آپ کو سہولت رہے لیکن مجھے اس میں کامیابی نہیں ہوئی۔
میں وقت ملنے پر جاوا اردو ایڈیٹر کو بہتر بنانے کی کوشش کروں گا۔ اس سلسلے میں آپ کی آراء کا بھی انتظار رہے گا۔
والسلام
