جب بھی زادِ سفر لیا ہم نے ۔ برائے اصلاح

[یاسر شاہ]

اللہ یہ شعر تو پورا کا پورا مجھ پر صادق آتا ہے

شاباش
"لڑا دے ممولے کو شہباز سے"
خود اک سمت ہو جا بصد ناز سے

 

[محمد عبدالرؤوف]

یہ صورت بہتر لگ رہی ہے۔

بہت شکریہ رہنمائی فرمانے کا

 

[محمد عبدالرؤوف]

اصلاح کے بعد:

جب بھی زادِ سفر لیا ہم نے
مختصر مختصر لیا ہم نے

بخت بٹتا تھا جس جگہ پہ وہاں
آپ سا ہمسفر لیا ہم نے

دردِ سر لے گئے خرد والے
اور دردِ جگر لیا ہم نے

کچھ شکایت نہیں تھی یاروں سے
بس کنارہ سا کر لیا ہم نے

رہزنی کا ہو ڈر ہمیں کیوں کر
ساتھ کب راہبر لیا ہم نے؟

جنگ یاروں سے آ پڑی تھی، سو
خوں جگر کو ہی کر لیا ہم نے

حملہ آور ہوئے جو غم، تو سپر
تیری یادوں کو کر لیا ہم نے

 

[اشرف علی]

دردِ سر لے گئے خرد والے
اور دردِ جگر لیا ہم نے

کچھ شکایت نہیں تھی یاروں سے
بس کنارہ سا کر لیا ہم نے

بہت خوب !

 

[محمد عبدالرؤوف]

بہت خوب !

بہت شکریہ حوصلہ افزائی کا، خوش رہیں