گلزار جب بھی یہ دل اداس ہوتا ہے - سمپورن سنگھ کلرا

[کاشفی]

غزل
( سمپورن سنگھ کلرا، گلزار)
جب بھی یہ دل اُداس ہوتا ہے
جانے کون آس پاس ہوتا ہے

آنکھیں پہچانتی ہیں آنکھوں کو
درد چہرہ شناس ہوتا ہے

گو برستی نہیں سدا آنکھیں
ابر تو بارہ ماس ہوتا ہے

چھال پیڑوں کی سخت ہے لیکن
نیچے ناخن کے ماس ہوتا ہے

زخم کہتے ہیں دل کا گہنہ ہے
درد دل کا لباس ہوتا ہے

ڈس ہی لیتا ہے سب کو عشق کبھی
سانپ موقع شناس ہوتا ہے

صرف اتنا کرم کیا کیجے
آپ کو جتنا راس ہوتا ہے
​

 

[محمد خرم یاسین]

عمدہ