ساغر صدیقی جب سے دیکھا پَری جمالوں کو - ساغر صدیقی

[کاشفی]

غزل
(ساغر صدیقی)
جب سے دیکھا پَری جمالوں کو
مَوت سی آ گئی خیالوں کو

دیکھ تشنہ لبی کی بات نہ کر
آگ لگ جائے گی پیالوں کو

پھر اُفق سے کِسی نے دیکھا ہے
مُسکرا کر خراب حالوں کو

فیض پہنچا ہے بارہا ساقی
تیرے مستوں سے اِن شوالوں کو

دونوں عالم پہ سرفرازی کا
ناز ہے تیرے پائمالوں کو

اس اندھیروں کے عہد میں ساغر
کیا کرے گا کوئی اُجالوں کو​

 

[طارق شاہ]

پھر اُفق سے کِسی نے دیکھا ہے
مُسکرا کر خراب حالوں کو

اِس اندھیروں کے عہد میں ساغر
کیا کرے گا کوئی اُجالوں کو

بہت عمدہ

 

[صائمہ شاہ]

واہ

دیکھ تشنہ لبی کی بات نہ کر​

آگ لگ جائے گی پیالوں کو​