جدا کیا ہو گئے تم سے نہ پھر یکجا ہوئے خود سے - سعید الرحمن سعیدؔ

[سعیدالرحمن سعید]

جُدا کیا ہو گئے تم سے نہ پھر یکجا ہوئے خود سے
ملا وہ اختیار آخر کہ خود تنہا ہوئے خود سے

تہ ِ آب ِ دل و جاں موتیوں کی طرح رہتے ہیں
جو منظر اس جہانِ خاک میں پیدا ہوئے خود سے

چھپا لیتے رخِ جاناں ہم اپنی پیاسی آنکھوں میں
لب ِ گویا کے ہاتھوں کس لیے رسوا ہوئے خود سے

اڑی وہ خاک ِ دل صورت نظر آتی نہیں اپنی
پریشان ہو گئے اتنے کہ برگشتہ ہوئے خود سے

جلا کر چاند آنکھوں میں دوعالم دیکھتے تھے ہم
حجاب ِ لا مکاں پایا جو بے پروا ہوئے خود سے

پڑے تھے بے خبر مدت سے خاموشی کے ساحل پر
ہوا ایسی چلی ہم زمزمہ پیرا ہوئے خود سے

اب اس ذوق ِ حضوری کے مزے کس سے بیاں کیجے
ہم اپنی خلوتوں میں کس طرح گویا ہوئے خود سے

سعیدؔ اپنے سفینے کو بہا کر لے گئے ہر سو
جو طوفان قلزم ِ جاں میں مرے برپا ہوئے خود سے

سعید الرحمن سعیدؔ​

 

[سید عاطف علی]

بہت اچھے سعید صاحب

 

[محمد تابش صدیقی]

بہت خوب سعید بھائی

پہلے مصرع میں جدا کے بعد ایک الف زائد ہو گیا ہے، اسے دیکھ لیجئے

 

[یاز]

بہت خوب جناب۔

تہ ِ آب ِ دل و جاں کے مروجہ قوانینِ مرکبات کے مطابق ہونے پہ کچھ شک ہے ہمیں۔

 

[ابن رضا]

بہت خوب سعید صاحب

 

[سعیدالرحمن سعید]

بہت اچھے سعید صاحب

بہت شکریہ عاطف بھائی۔ خوش رہیے

 

[سعیدالرحمن سعید]

بہت خوب سعید بھائی

پہلے مصرع میں جدا کے بعد ایک الف زائد ہو گیا ہے، اسے دیکھ لیجئے

شکریہ تابش بھائی، الف کے ٹائپو کی تدوین کر دی ہے

 

[سعیدالرحمن سعید]

بہت خوب جناب۔

تہ ِ آب ِ دل و جاں کے مروجہ قوانینِ مرکبات کے مطابق ہونے پہ کچھ شک ہے ہمیں۔

یاز بھائی پسندیدگی کا شکریہ۔ ادب کا طالب علم ہوں ۔ اس بارے اساتذہ کی رائے کا انتظار کروں گا ۔ ایسے ہی تک بندی کرتے کرتے کچھ سیکھ جائیں گے۔

 

[سعیدالرحمن سعید]

بہت خوب سعید صاحب

بہت شکریہ رضا بھائی۔ سلامت رہیں

 

[سلمان دانش جی]

واہ کیا بات ہے علامہ صاحب! مشکل اور منفرد ردیف اچھا نبھایا ہے

 

[سعیدالرحمن سعید]

شکریہ سلمان بھائی۔

 

[سید لبید غزنوی]

بہت ہی عمدہ کاوش ہے اللہ آپ کے زور قلم میں اضافہ فرمائے۔۔آمین
اک گزراش ہے اگر منظور ہو جائے تو۔۔۔۔اس کا فونٹ نستعلیق کر دیا جائے۔۔جزاک اللہ خیراً

 

[سعیدالرحمن سعید]

بہت ہی عمدہ کاوش ہے اللہ آپ کے زور قلم میں اضافہ فرمائے۔۔آمین
اک گزراش ہے اگر منظور ہو جائے تو۔۔۔۔اس کا فونٹ نستعلیق کر دیا جائے۔۔جزاک اللہ خیراً

لبید بھائی شکریہ۔ مجھے تو اس کا فونٹ نستعلیق ہی نظر آتا ہے۔ اگر آپ کے کمپئوٹر میں نستعلیق فونٹ انسٹال ہو گا تو آپ کو بھی نستعلیق ہی نظر آئے گا

 

[سید لبید غزنوی]

لبید بھائی شکریہ۔ مجھے تو اس کا فونٹ نستعلیق ہی نظر آتا ہے۔ اگر آپ کے کمپئوٹر میں نستعلیق فونٹ انسٹال ہو گا تو آپ کو بھی نستعلیق ہی نظر آئے گا

میرے پاس نستعلیق سمیت تقریباً تمام فونٹ انسٹال ہیں۔۔۔پھر بھی یہ رومن فونٹ میں نظر آرہا تھا۔۔۔خیر ہم لوگ بڑوں کی بات فوری مان لیا کرتے ہیں بحث مباحثے میں نہیں پڑتے۔۔۔اللہ آپ کو جزاءدے آمین

 

[محمد تابش صدیقی]

میرے پاس نستعلیق سمیت تقریباً تمام فونٹ انسٹال ہیں۔۔۔پھر بھی یہ رومن فونٹ میں نظر آرہا تھا۔۔۔خیر ہم لوگ بڑوں کی بات فوری مان لیا کرتے ہیں بحث مباحثے میں نہیں پڑتے۔۔۔اللہ آپ کو جزاءدے آمین

لبید بھائی میرے پاس بھی یہ اور سلمان بھائی کی پوسٹ نستعلیق میں ہی ہے

 

[سید لبید غزنوی]

لبید بھائی میرے پاس بھی یہ اور سلمان بھائی کی پوسٹ نستعلیق میں ہی ہے

تابش بھائی تو پھر مجھے بتائیں میں فونٹ کیسے دوبارہ انسٹال کروں کہ فائر فاکس پر مجھے ساری چیزیں نستعلیق میں دکھائی دیں۔۔۔

 

[سعیدالرحمن سعید]

 

[جاسمن]

بہت خوب!
خوبصورت اشعار ہیں۔

 

[سعیدالرحمن سعید]

بہت خوب!
خوبصورت اشعار ہیں۔

جاسمن بہنا میں متشکر ہوں حوصلہ افزائی کا

 

[ظہیراحمدظہیر]

بہت خوب سعید بھائی !! کیا اچھی غزل ہے !
اور ساتھ ہی آپ کی مصورانہ صلاحیتوں کا اندازہ بھی ہوا ۔ اس کے لئے بھی داد!!