جملہ 1.5.11 کا اردو پیکج

[شاکر]

بھائی میں نے ترجمہ اپنے لیے نہیں کیا ہے بلکہ آپ لوگوں کیلیے کیا ہے
اس لیے اپنی رائے وضاحت کے ساتھ پیش کریں
مثال ہی کیا دینی جس جس ترجمے میں آپ کے نزدیک بہتری کی گنجائش ہے اسے ضرور لکھیے

شکریہ باسم۔۔ترجمہ تو جو آپ نے کیا ہے۔ مجھ جیسا طالب علم کیا بہتری لا سکتا ہے بھلا؟ لیکن بہرحال یہ ہو سکتا ہے کہ بجائے لفظی ترجمہ کے اسے آسان فہم ترجمہ میں بدل دیا جائے۔ میری اردو اتنی اچھی نہیں کہ میں‌عام فہم ترجمہ بھی بنا سکوں۔ لیکن ذمہ داری سے فرار کی بجائے ایک کوشش کرتا ہوں۔کسی ایک فائل کو لے کر اس کے ترجمہ میں‌رد و بدل کر کے آپ کو بھیجتا ہوں۔ حک و اضافہ اور فائنل تو آپ ہی کیجئے گا۔

 

[باسم]

پی ڈی ایف فونٹ کی فائلیں شامل ہونا رہ گئی تھیں جس کی وجہ سے پی ڈی ایف فائل نہیں بن رہی تھا اب شامل کردی ہیں

 

[نبیل]

شکریہ باسم۔ میں جلد ہی اس پیکج کو اپڈیٹ کر دوں گا۔ کیا جملہ 1.5 میں اردو کی پی ڈی ایف درست جنریٹ ہوتی ہے؟

 

[باسم]

پیکج میں ہی فائلیں شامل کی ہیں
پاک اور فجر جیسے نستعلیق فونٹس کیلیے فائلیں بنوائی تو وہ درست نہیں بنی پھر انفوگراف768 نے خود ہی ایک نسخ فونٹ کی فائلیں بھیجی جس سے پی ڈی ایف پڑھنے جیسی بن جاتی ہے کچھ الفاظ ہ ے وغیرہ بگڑتے ہیں۔
اس کے متعلق تفصیل یہاں لکھی تھی

 

[نبیل]

کیا آپ نے میرے اپلوڈ‌ کردہ پیکج کو اپڈیٹ کر دیا ہے؟ مجھے معلوم نہیں تھا کہ یہ بھی ممکن ہے۔
پی ایچ پی کے ذریعے اردو پی ڈی ایف جنریٹ کرنے کے بارے میں مزید تحقیق کی جانی چاہیے۔ یہ کافی اہم فیچر ہے جو ابھی تک تسلی بخش طور پر دستیاب نہیں ہے۔

 

[انیس فاروقی]

ایک سوال ہے نبیل آپ سے کہ اگر جملہ براہ راست سرور پر انگریزی میں پہلے سے انسٹال ہو تو پھر اردو کی ذپ شدہ ورژن کو کسطرح سے اس کے ساتھ منسلک کیا جائے۔ میں نے آپ کے دئے ہوئے ربط سے ڈاؤن لوڈ تو کر لیا ہے لیکن جملہ سرور پر پہلے سے ہی انگریزی سیمپل ڈیٹا کے ساتھ نصب ہو چکا ہے اب کیا کیا جائے کہ اردو سیمپل ڈیٹا میں اسے منتقل کیا جا سکے۔

 

[نبیل]

انیس، پہلے سے موجود انگریزی جملہ کو اردو میں تبدیل کرنا آسان کام نہیں ہوگا۔ بہتر یہی ہوگا کہ شروع سے ہی اردو جملہ پیکج کی انسٹالیشن شروع کی جائے۔ خیال رکھیں کہ ڈیٹابیس کی collation کو utf8_unicode_ci پر سیٹ‌ کیا جائے۔ اردو جملہ کو انسٹال کرنے کے لیے براہ راست ایف ٹی پی کے ذریعے فائلیں اپنے ہوسٹ‌ پر ٹرانسفر کریں اور جملہ کی خود کار انسٹالیشن کو استعمال نہیں کریں۔

 

[ابو مصعب]

میرے پاس انسٹالیشن کے بعد مینیو میں ایرر آ رہا ہے

یہ اسکرین شاٹ دیکھیں

 

[ابو مصعب]

اور انسٹالیشن کے شروع میں بھی یہ ایرر اوپر آ رہا ہوتا ہے

Deprecated: Assigning the return value of new by reference is deprecated in C:\wamp\www\new-urdu\libraries\pattemplate\patTemplate.php on line 1424

Deprecated: Assigning the return value of new by reference is deprecated in C:\wamp\www\new-urdu\libraries\pattemplate\patErrorManager.php on line 202

 

[نبیل]

معذرت، میں یہ ایرر ری پروڈیوس نہیں کر سکتا۔ اور یہ اردو جملہ کا خاص پرابلم نہیں لگتا بلکہ خود جملہ کا پرابلم معلوم ہوتا ہے۔ بہتر ہوگا کہ اس کے لیے جملہ کی سپورٹ فورم سے رابطہ کریں۔

 

[ابو مصعب]

لیکن نبیل صاحب
انگلش ورژن تو بالکل صحیح چل رہا ہے

 

[نبیل]

ہمم۔۔
میں نے یونیفارم سرور پر یہ پیکج تیار کیا تھا۔ دوسرے سرور سسٹمز پر اس کی ٹیسٹنگ نہیں کی تھی۔

 

[msuhail197]

بہت ہی عمدہ

جوملہ کے بارے میں ماشاء اللہ بہت ہی اچھی معلومات ہیں، اللہ تعالی آپ کو اس کا بدلہ اپنے خزانوں سے مرحمت فرمائے۔​

 

[اسمعیٰل]

کمال کی شیرنگ ہے

 

[moxet]

بھائی یہ پیکج کہاں سے ڈاون لوڈ کریں؟

 

[نبیل]

فی الحال اس ربط پر یہ ڈاؤنلوڈ کیا جا سکتا ہے۔

 

[فاتح]

برادرم نبیل کیا جملہ 1.7 کے ترجمے پر بھی کوئی کام ہو رہا ہے؟

 

[نبیل]

برادرم نبیل کیا جملہ 1.7 کے ترجمے پر بھی کوئی کام ہو رہا ہے؟

ایسا میرے علم میں نہیں ہے۔ باسم نے جملہ 1.5 کا اردو ترجمہ کیا تھا لیکن اس کے بعد والے ورژنز کا ترجمہ نہیں کیا گیا گیا تھا۔

 

[باسم]

جملہ 1.5 کے شمارے تازہ کرتےرہنے کی کوشش رہی
پھر جملہ 1.6 میں زبان کی فائلیں کی ترتیب بدل دی گئی اوپر سے شمارہ 1.7 آگیا
گویا نئے سرے سے ترجمہ کرنے کی ضرورت تھی جس سے ہمت ٹوٹ گئی
مگر بہت سی سائٹوں پر اردو جملہ استعمال ہوتا دیکھ کر اور ترجمے کی فرمائشی ای میلیں پڑھ کر پھر گدگدی ہونے لگتی
جملہ فورم پر ایک پلگ ان کی طرف راہنمائی کی گئی جس نے 33 فیصد تک ترجمہ کردیا مگر ہنوز دلی دور است
اردو جملہ ڈاٹ کام کے نام سے اردو جملہ کیلیے مخصوص فورم بنا تو سوچا ترجمہ ان کے سپرد کردیتے ہیں مگر رکن بن کر داخل نہیں ہو پائے اور اب وہ فورم ہی ڈوب گیا ہے۔
کل پرسوں جملہ والوں کی ای میل آئی کہ جناب شمارہ 2.5 بیٹا کیلیے انسٹالیشن فائلیں جمع کرادیں
گویا رضیہ غنڈوں میں پھنس گئی ہے کون چھڑائے گا؟

 

[نبیل]

میں اب پورے سوفٹویر کے ترجمے کی افادیت کا قائل نہیں رہا ہوں۔ ایڈمن سیکشن میں انگریزی ہی بہتر کام دیتی ہے۔ البتہ فرنٹ اینڈ اردو میں ہی ہونا چاہیے۔ لیکن یہ محض فرنٹ اینڈ تھیمز کی اردو کسٹمائزیشن کے ذریعے بھی ممکن ہے۔ جملہ یا کسی اور سی ایم ایس کا اردو پیکج تیار کرنے میں بہت محنت لگتی ہے اور یہ بہت جلدی آؤٹ ڈیٹڈ بھی ہو جاتا ہے۔ اسی لیے میں نے سوچا ہے کہ آئندہ اردو پیکج تیار کرنے کی بجائے صرف اردو ایڈیٹر انٹگریشن اور اردو تھیم فراہم کرنے پر ہی کام کیا جائے گا۔ جملہ 1.5 میں جاوا سکرپٹ کے موٹولز فریم ورک کا استعمال کیا گیا تھا جس کے لیے اردو ایڈیٹر پلگ ان لکھا گیا تھا۔ اب غالباً موٹولز کا کوئی نیا ورژن استعمال ہو رہا ہے جس کے لیے اردو ایڈیٹر پلگ ان کو بھی اپڈیٹ کرنا پڑے گا۔