جنرل ضیاء الحق کی برسی

[dxbgraphics]

آج جنرل ضیاء الحق کی برسی کے موقع پر اسلام آباد حکومت نے سیکیورٹی کا مسئلہ کہہ کر تقریبات کی اجازت دینے سے انکار کر دیا
ربط

 

[arifkarim]

ماشاءاللہ۔۔۔۔۔۔۔۔۔۔۔

 

[گرائیں]

اللہ مرحوم کی مغفرت کرے ۔

 

[یاسر عمران مرزا]

اور قصور وار ہو تو اسے سخت سزا دے

 

[dxbgraphics]

اور قصور وار ہو تو اسے سخت سزا دے

قصور وار تو اس لئے نہیں ہوسکتے کے ان کا وقت عیاش لوگوں کےلئے قید خانہ تھا

 

[فاتح]

قصور وار تو اس لئے نہیں ہوسکتے کے ان کا وقت عیاش لوگوں کےلئے قید خانہ تھا

سبحان اللہ! عشرہ مبشرہ کی فہرست میں ایک اور کا اضافہ کر دیا آپ نے۔

 

[فرخ منظور]

سبحان اللہ! عشرہ مبشرہ کی فہرست میں ایک اور کا اضافہ کر دیا آپ نے۔

 

[arifkarim]

قصور وار تو اس لئے نہیں ہوسکتے کے ان کا وقت عیاش لوگوں کےلئے قید خانہ تھا

خدا بننے کا اختیار کسنے دیا آپکو؟!

 

[علی فاروقی]

اور قصور وار ہو تو اسے سخت سزا دے

جتنی بار کوئ کہہ سکے اتنی بار آمین، ثمہ آمین

 

[dxbgraphics]

سبحان اللہ! عشرہ مبشرہ کی فہرست میں ایک اور کا اضافہ کر دیا آپ نے۔

دل پے مت لے یار

 

[خوشی]

قصور وار تو اس لئے نہیں ہوسکتے کے ان کا وقت عیاش لوگوں کےلئے قید خانہ تھا

کچھ کام خدا کی ذات نے اپنے ذمے لے رکھے ھیں اس لئے ایسادعوی کرنا مناسب نہیں ھے ، ہم کسی کی مغفرت کی دعا ہی کر سکتے ھیں

 

[فرحان دانش]

مرد مومن مرد حق کو اب لوگ ڈکٹیٹر کہتے ہیں

 

[مغزل]

خاک میں کیا صورتیں ہوں گی کہ پہناں ہوگئیں

 

[arifkarim]

مرد مومن مرد حق کو اب لوگ ڈکٹیٹر کہتے ہیں

مرد عذاب کو بیوقوف لوگ کچھ بھی کہہ سکتے ہیں!

 

[فاتح]

مرد مومن مرد حق کو اب لوگ ڈکٹیٹر کہتے ہیں

ظلمت کو ضیا، صَر صَر کو صبا
بندے کو خدا کیا لکھنا​

حق بات پہ کوڑے اور زنداں
باطل کے شکنجے میں ہے یہ جاں
انساں ہیں کہ سہمے بیٹھے ہیں
خونخوار درندے ہیں رقصاں
اس ظلم و ستم کو لطف و کرم
اس دکھ کو دوا کیا لکھنا

ہر شام یہاں شامِ ویراں
آسیب زدہ رستے گلیاں
جس شہر کی دُھن میں نکلے تھے
وہ شہر دلِ برباد کہاں
صحرا کو چمن، بَن کو گلشن
بادل کو رِدا کیا لکھنا

اے میرے وطن کے فنکارو!
ظلمت پہ نہ اپنا فن وارو
یہ محل سراؤں کے باسی
قاتل ہیں سبھی اپنے یارو
ورثے میں ہمیں یہ غم ہے ملا
اس غم کو نیا کیا لکھنا

ظلمت کو ضیا، صَر صَر کو صبا
بندے کو خدا کیا لکھنا
حبیب جالب​

حبیب جالب کی یہ عہد آفریں نظم اسی "ظلمت" کے متعلق ہے جو فرحت کیانی صاحبہ نے محفل میں ارسال کی تھی۔
فرخ صاحب! میں نے نواب زادہ نصر اللہ خان کی غزل ڈھونڈھنے کی بھی کوشش کی مگر افسوس کہ وہ نہ مل سکی۔ آپ نے محفل میں ارسال کی تھی نا وہ غزل تو اب آپ ہی تلاش کر کے یہاں اس کا ربط ارسال کیجیے۔

لیجیے جناب! برسی منائی گئی اتنی خوبصورت اور سچی نظم کے ذریعے "خراجِ تحسین" پیش کر کے۔

 

[dxbgraphics]

مرد عذاب کو بیوقوف لوگ کچھ بھی کہہ سکتے ہیں!

جی ہاں آپ کو تو مشرف جیسے حکمران چاہئں جس نے ماوں بہنوں سے برقعہ بھی چھیننے کی کوشش کی۔ آپ جیسے عقلمند تو عیاشی کے حامی حکمرانوں کو ہی مرد مومن کہیں گے

 

[خوشی]

مجھے آض تک سمجھ نہیں‌آئی اس بات کی کہ کسی قسم کی بھی بحث ہو آپ میں سے کچھ لوگ پرسنل ہو جاتے ھیں یہ مناسب طریقہ نہیں ھے ، جائل اور پڑھے لکھے میں کچھ تو فرق ہونا چاھیئے

 

[فرخ منظور]

ظلمت کو ضیا، صَر صَر کو صبا
بندے کو خدا کیا لکھنا​

حبیب جالب کی یہ عہد آفریں نظم اسی "ظلمت" کے متعلق ہے جو فرحت کیانی صاحبہ نے محفل میں ارسال کی تھی۔
فرخ صاحب! میں نے نواب زادہ نصر اللہ خان کی غزل ڈھونڈھنے کی بھی کوشش کی مگر افسوس کہ وہ نہ مل سکی۔ آپ نے محفل میں ارسال کی تھی نا وہ غزل تو اب آپ ہی تلاش کر کے یہاں اس کا ربط ارسال کیجیے۔

لیجیے جناب! برسی منائی گئی اتنی خوبصورت اور سچی نظم کے ذریعے "خراجِ تحسین" پیش کر کے۔

لیں جناب فاتح صاحب ! آپ کے حکم کی تعمیل کی گئی۔

کتنے بے درد ہیں صَرصَر کو صبا کہتے ہیں
کیسے ظالم ہیں کہ ظلمت کو ضیا کہتے ہیں

جبر کو میرے گناہوں کی سزا کہتے ہیں
میری مجبوری کو تسلیم و رضا کہتے ہیں

غم نہیں گر لبِ اظہار پر پابندی ہے
خامشی کو بھی تو اِک طرزِ نوا کہتے ہیں

کُشتگانِ ستم و جور کو بھی دیکھ تو لیں
اہلِ دانش جو جفاؤں کو وفا کہتے ہیں

کل بھی حق بات جو کہنی تھی سرِ دار کہی
آج بھی پیشِ بتاں نامِ خدا کہتے ہیں

یوں تو محفل سے تری اُٹھ گئے سب دل والے
ایک دیوانہ تھا وہ بھی نہ رہا کہتے ہیں

یہ مسیحائی بھی کیا خوب مسیحائی ہے
چارہ گر موت کو تکمیلِ شِفا کہتے ہیں

بزمِ زنداں میں ہوا شورِ سلاسل برپا
دہر والے اسے پائل کی صدا کہتے ہیں

آندھیاں میرے نشیمن کو اڑانے اٹھیں
میرے گھر آئے گا طوفانِ بلا کہتے ہیں

اُن کے ہاتھوں پہ اگر خون کے چھینٹے دیکھیں
مصلحت کیش اسے رنگِ حنا کہتے ہیں

میری فریاد کو اِس عہد ہوس میں ناصر
ایک مجذوب کی بے وقت صدا کہتے ہیں

(نواب زادہ نصراللہ خاں ناصر)

 

[فاتح]

کتنے بے درد ہیں صَرصَر کو صبا کہتے ہیں
کیسے ظالم ہیں کہ ظلمت کو ضیا کہتے ہیں

اُن کے ہاتھوں پہ اگر خون کے چھینٹے دیکھیں
مصلحت کیش اسے رنگِ حنا کہتے ہیں
​

بہت شکریہ قبلہ فرخ صاحب۔ محبتیں ہیں آپ کی۔

 

[dxbgraphics]

مجھے آض تک سمجھ نہیں‌آئی اس بات کی کہ کسی قسم کی بھی بحث ہو آپ میں سے کچھ لوگ پرسنل ہو جاتے ھیں یہ مناسب طریقہ نہیں ھے ، جائل اور پڑھے لکھے میں کچھ تو فرق ہونا چاھیئے

وہ تو صاف نظر آتا ہے لوگوں کے دل کے احساسات تحریر کی شکل میں پڑھ کر