جن کی یادیں ہیں ابھی دل میں نشانی کی طرح - والی آسی

[کاشفی]

غزل
(والی آسی - لکھنؤ)
جن کی یادیں ہیں ابھی دل میں نشانی کی طرح
وہ ہمیں بھول گئے ایک کہانی کی طرح

دوستو ڈھونڈ کے ہم سا کوئی پیاسا لاؤ
ہم تو آنسو بھی جو پیتے ہیں تو پانی کی طرح

غم کو سینے میں چھپائے ہوئے رکھنا یارو
غم مہکتے ہیں بہت رات کی رانی کی طرح

تم ہمارے تھے تمہیں یاد نہیں ہے شاید
دن گزرتے ہیں برستے ہوئے پانی کی طرح

آج جو لوگ ترے غم پہ ہنسے ہیں والیؔ
کل تجھے یاد کریں گے وہی فانیؔ کی طرح ​

 

[یاسر شاہ]

غم کو سینے میں چھپائے ہوئے رکھنا یارو
غم مہکتے ہیں بہت رات کی رانی کی طرح

آج جو لوگ ترے غم پہ ہنسے ہیں والیؔ
کل تجھے یاد کریں گے وہی فانیؔ کی طرح

بہت خوب۔
کاشفی صاحب آیا کریں ۔خوب ہوتا ہے آپ کا انتخاب۔