جوہری اسلحے سے تمام دنیا کو تباہ کردیں گے

[یونس عارف]

اسرائیل:خطرے کی صورت میں جوہری اسلحے سے تمام دنیا کو تباہ کردیں گے

صہیونی فوجی تاریخ دان پروفیسر مارٹن وین کار فیلڈ نے یورپ کے خلاف جوہری ہتھیار استعمال کرنے کی دھمکی دی ہے

پروفیسر مارٹن وین کار فیلڈ نے ایک عبرانی اخبار کو انٹرویو میں کہا کہ اسرائیل یورپ کو تباہ کرنے پر مجبور ہوسکتا ہے- مارٹن وین کارفیلڈ نے واضح کیا کہ اسرائیل یورپ کو ایک دشمن کی حیثیت سے دیکھ رہا ہے- انٹرویو کا متن اور عربی ترجمہ اسرائیلی ٹی وی پر نشر کیا گیا-

مارٹن وین کارفیلڈ کا کہنا ہے کہ اسرائیل کے پاس سینکڑوں ایٹم بم ہیں جو یورپ کے مختلف ملکوں تک پہنچ سکتے ہیں- اگر خطرہ محسوس ہوا کہ اسرائیل کا وجود خاتمے کے قریب ہے تو دنیا میں کوئی نہیں بچے گا پوری دنیا کو تباہ کردیا جائے گا-

فلسطینیوں کے متعلق وین کارفیلڈ کا کہنا تھا کہ اسرائیل فلسطینیوں کو ملک بدر کیے جانے کی پالیسی محدود پیمانے پر اپنائے ہوئے ہے- تمام فلسطینیوں کو فلسطین سے نکال دینا چاہیے- اسرائیلی حکومت یہ اقدام اٹھانے کے لیے مناسب وقت کا انتظار کررہی ہے-

انہوں نے مزید کہا کہ آج سے دو سال قبل صرف سات یا آٹھ فیصد اسرائیلی فلسطینیوں کو ملک بدر کرنے کے حل پر یقین رکھتے تھے- دو ماہ قبل یہ تناسب بڑھ کر33 فیصد ہوگیا تھا جو اب مزید بڑھ کر 55 فیصد ہوگیا ہے- اس وقت 55 فیصد اسرائیلی تمام فلسطینیوں کو ملک بدر کرنے کے حامی ہیں-

وین کارفیلڈ سے سوال کیا گیا کہ فلسطینیوں کو ملک بدر کرنے سے اسرائیل کو مجرم ریاست قرار دیے جانے کا آپ کو خطرہ نہیں ہے تو ان کا کہنا تھا کہ ’’اسرائیل کو پرواہ نہیں کہ اس کے بارے میں کیا کہا جارہا ہے- سابق وزیر دفاع موشے دیان کا قول ذہن میں رکھنا چاہیے جس نے کہا تھا اسرائیل کو ایک باؤلے کتے کی طرح رویہ رکھنا چاہیے‘‘- اسرائیل کو کوئی دوسرا نقصان پہنچائے اس سے بہتر ہے کہ دوسرے اسرائیل سے ڈریں-‘

تاریخ: 2010/03/11 مآخذ: مرکز اطلاعات فلسطین

 

[راسخ کشمیری]

خدا سن اور دیکھ رہا ہے

 

[انصاری آفاق احمد]

السلام عليكم ورحمۃ اللہ وبركاتہ
سبحان اللہ وبحمدہ سبحان اللہ العظيم
یہ تو اظہار ہے ان کی نیتیں تو اس بھی زیادہ تباہ کاریاں دنیا میں بھیلانے کی ہے۔ پر" اللہ تعالٰی کہاں چلے جائیں گے "

 

[ماسٹر]

مغرب کا میڈیا اس خبر کو ایران سے خطرے والی باتوں سے دبادے گا -

 

[arifkarim]

مارٹن وین کارفیلڈ کا کہنا ہے کہ اسرائیل کے پاس سینکڑوں ایٹم بم ہیں جو یورپ کے مختلف ملکوں تک پہنچ سکتے ہیں- اگر خطرہ محسوس ہوا کہ اسرائیل کا وجود خاتمے کے قریب ہے تو دنیا میں کوئی نہیں بچے گا پوری دنیا کو تباہ کردیا جائے گا-

اور اسکے بعد اسرائیل خود کہاں سے "کھائے " گا؟

 

[طالوت]

سوکھی تڑیاں ہیں ۔ ویسے اس پر مغربی و مشرقی میڈیا میں کوئی واویلا بھی ہوا یا نہیں ؟ مختاراں مائی سے ڈینیل پرل تک فردی معاملات میں تو ہماری خوب مٹی پلید کرتے ہیں ۔
وسلام

 

[مدرس]

یہ عزائم پوری دنیا ئے کفر کے ہیں‌ مسلمانوں‌سے متعلق
الکفر ملۃ واحدہ