جو شاخ جس جگہ تھی وہیں چاہیئے مجھے ----- کلامِ نصیر کوٹی

[مغزل]

میرے استادِ محترم کی ایک غزل ::

غزل

مرّیخ و ماہتاب نہیں چاہیئے مجھے
تم آسماں طلب ہو زمیں چاہیئے مجھے
پھرتا ہوں کب سے گھر کا اثاثہ لیے ہوئے
ملتا نہیں ہے جیسا امیں چاہیئے مجھے
قصرِ بسیط دل کی طلب ہے ہوا کرے
میں جانتا ہوں کتی زمیں چاہیئے مجھے
جس پر کسی کا طنز نہ تضحیک ہو گراں
ایسی شکن سے پاک جبیں چاہیئے مجھے
غارت گرِ چمن یہ تلافی کی شرط ہے
جو شاخ جس جگہ تھی وہیں چاہیئے مجھے
جس سے مری انا پہ لگے ضرب اے نصیر
ایسا بھی الت۔فات نہیں چاہیئے مجھے
بے خوف و بے ہراس ہراک گام پر نصیر
تعمیلِ حکمِ سرورِ دیں چاہیئے مجھے

نصیر کوٹی
’’ نصیراللہ خاں نصیر کوٹی ‘‘
( لذّتِ آزار )​

 

[محمداحمد]

بہت خوب مغل بھائی

بہت عمدہ غزل ہے۔ شکریہ اسے پیش کرنے کا!

 

[طالوت]

غارت گرِ چمن یہ تلافی کی شرط ہے
جو شاخ جس جگہ تھی وہیں چاہیئے مجھے
جس سے مری انا پہ لگے ضرب اے نصیر
ایسا بھی الت۔فات نہیں چاہیئے مجھے

عمدہ !!!
وسلام

 

[محمد وارث]

بہت خوب، لا جواب۔

 

[مغزل]

بہت شکریہ ۔۔ احباب کا ۔۔

 

[فرخ منظور]

خوب غزل ہے - شکریہ مغل صاحب!‌

 

[خرم شہزاد خرم]

قصرِ بسیط دل کی طلب ہے ہوا کرے
میں جانتا ہوں کتی زمیں چاہیئے مجھے

لا جواب جناب بہت خوب

 

[عاشق چانگ]

واہ واہ اچھی غزل ہے،،،،،،،،،،،،،،،،،،

 

[مغزل]

بہت شکریہ ۔۔ کتاب تحریر کے مراحل میں‌ہے ۔۔ میں لائبریری میں پیش کردوں گا۔
یہ کتاب 1978 میں شائع ہوئی تھی۔۔

 

[طالوت]

مجھے اس سے گلزار کی فلم "ماچس" یاد آ گئی جو کہ سکھوں پر بھارتی ریاست کے ظلم کے پس منظر میں بنائی گئی تھی ۔۔۔ جس میں اوم پوری کا ایک‌ڈائیلاگ ہے غالبا کچھ اس طر ح سے ۔۔۔ "مجھے میرا حق چایئے پورا حق ابھی اور اسی وقت اسی زندگی میں" موصوف "دہشت گردوں کی صف میں شامل تھے ۔۔۔۔
وسلام

 

[مغزل]

ہمم یاد آنے کو تو کچھ بھی یاد آسکتا ہے ۔۔ کسی بھی وقت !!

 

[جیا راؤ]

جس پر کسی کا طنز نہ تضحیک ہو گراں
ایسی شکن سے پاک جبیں چاہیئے مجھے

غارت گرِ چمن یہ تلافی کی شرط ہے
جو شاخ جس جگہ تھی وہیں چاہیئے مجھے

جس سے مری انا پہ لگے ضرب اے نصیر
ایسا بھی الت۔فات نہیں چاہیئے مجھے​

واہ جناب۔۔۔ بہت ہی اچھے لگے یہ اشعار !
شکریہ مغل جی اتنی خوبصورت غزل شئیر کرنے کا۔۔۔

 

[مغزل]

شکریہ جیا ۔۔ خوش رہیئے ۔۔۔۔

 

[فاتح]

غارت گرِ چمن! یہ تلافی کی شرط ہے
جو شاخ جس جگہ تھی وہیں چاہیے مجھے​

 

[فرحت کیانی]

جس پر کسی کا طنز نہ تضحیک ہو گراں​

ایسی شکن سے پاک جبیں چاہیئے مجھے​

غارت گرِ چمن یہ تلافی کی شرط ہے​

جو شاخ جس جگہ تھی وہیں چاہیئے مجھے​

​

واہ۔ بہت خوب۔ اتنا اچھا کلام شیئر کرنے کے لئے بہت شکریہ

 

[عین عین]

محمود بھائی۔ عمدہ کلام ہے۔ نصیر صاحب کا بہار کوٹی سے کیا تعلق تھا؟ اور ان کے کتنے مجموعے شایع ہوئے ہیں۔ شاعری کے ساتھ ان کی کیا مصروفیات ہیں؟
وجدی نے میٹرو پر پروگرام کیا تھا ان کے بارے میں جو میں دیکھ ہی رہا تھا کہ بجلی چلی گئی۔۔۔۔۔ اور بس کوئی دس منٹ کا دیکھ سکا۔

 

[بنتِ آدم]

واہ ! بہت عمدہ

 

[مہ جبین]

بہت خوب
اتنا عمدہ کلام پیش کرنے کا شکریہ مغزل

 

[عین عین]

مغل بھائی اس طرف آپ کا آنا نہیں ہو رہا۔ خیر آپ سے بات کرنے کے بعد اگلے روز نصیر صاحب سے مکالمہ کر آئے۔ ابھی شایع نہیں ہوا ہے۔ آپ کو بھی خبر پہنچاوں گا۔