ایاز صدیقی جُز غمِ ہجرِ نبی ہر غم سے ہوں ناآشنا

[مہ جبین]

جُز غمِ ہجرِ نبی ہر غم سے ہوں ناآشنا​

یہ بھری دنیا میں ہے میرا اکیلا آشنا​

​

ذہن کعبہ آشنا ہے دل مدینہ آشنا​

عشق نے بخشا ہے مجھ کو کیسا کیسا آشنا​

​

میں زباں سے کچھ نہیں کہتا مجھے کیا چاہئے​

میری ہر خواہش سے ہیں سرکارِ والا آشنا​

​

سیرتِ سرکار کا ہر رخ ہے دل پر آئینہ​

خیر سے مجھ کو میسر ہے اک اچھا آشنا​

​

ایک میں ہی تو نہیں تنہا ثنا خوانِ حضور!​

آپ کے لطف و کرم سے ہے زمانہ آشنا​

​

کس کے در پر جاؤں آقا آپ کا در چھوڑ کر​

میں ہوا خواہِ وفا، دنیا وفا ناآشنا​

​

ہے تصور میں جمالِ گنبدِ خضرا ایاز !​

میری آسودہ نگاہی سے ہے دنیا آشنا​

​

ایاز صدیقی​

​

 

[سید زبیر]

سیرتِ سرکار کا ہر رخ ہے دل پر آئینہ
خیر سے مجھ کو میسر ہے اک اچھا آشنا
جزاک اللہ

 

[مہ جبین]

سیرتِ سرکار کا ہر رخ ہے دل پر آئینہ
خیر سے مجھ کو میسر ہے اک اچھا آشنا
جزاک اللہ

آپکی حوصلہ افزائی مجھے مزید ٹائپنگ پر مجبور کرتی ہے
سب کے خلوص اور نعتوں سے والہانہ عقیدت کا بے حد شکریہ

جزاک اللہ زبیر بھائی