جینا ، مرنا

[عبدالرحمن آزاد]

یہ مرنا جینا بھی شاید مجبوری کی دو لہریں ہیں
کچھ سوچ کے مرنا چاہا تھا کچھ سوچ کے جینا چاہا ہے
سحر انصاری

 

[رباب واسطی]

اب موت سے در گزریں یا جاں سے گزر جائیں
جینا ہے کہ مرنا ہے اک بار ٹھہر جائے

 

[جان]

محبت میں جینا نئی بات ہے
نہ مرنا بھی مر کر کرامات ہے
سائل دہلوی

 

[زیرک]

چارہ گر، ہار گیا ہو جیسے
اب تو مرنا ہی دوا ہو جیسے​

 

[زیرک]

ہم جسے تنہا لوگوں کا جینا اور مرنا کیا
آج ترے دل سے نکلے کل دنیا سے نکل جائیں گے​

 

[عبدالرحمن آزاد]

جی میں ٹھانی ہے کہ جینا ہے بہرحال مجھے
جس کو مرناہے وہ چپ چاپ ہی مرتا جائے
افتخار نسیم

 

[زیرک]

لب میگوں کا تقاضا ہے کہ جینا ہوگا
آنکھ کہتی ہے تجھے زہر بھی پینا ہوگا​

 

[زیرک]

یہ جو دل میں قیام کرتے ہیں
یہی جینا حرام کرتے ہیں​

 

[عبدالرحمن آزاد]

فنا فی اللہ کی تہہ میں بقا کا راز مضمر ہے
جسے مرنا نہیں آتا اسے جینا نہیں آتا

 

[زیرک]

مرنا چاہیں تو مر نہیں سکتے
تم بھی جینا محال کرتے ہو​

 

[عبدالرحمن آزاد]

محبت میں نہیں ہے فرق جینے اور مرنے کا
اسی کو دیکھ کر جیتے ہیں جس کافر پہ دم نکلے
غالب

 

[زیرک]

شیوۂ عشق و وفا میں ہم کو ناکامی سہی
کم سے کم یہ تو ہوا بے موت مرنا آ گیا​

 

[عبدالرحمن آزاد]

زندہ رہ کر خود میں مرنا پڑتا ہے
ایسے بھی حالات سے پالا پڑتا ہے

 

[عبدالرحمن آزاد]

مرنا تو کسی کو بھی گوارا نہیں ہوتا
کمبخت محبت میں مگر کیا نہیں ہوتا
راحیل فاروق

 

[زیرک]

بنا رکھا ہے منصوبہ کئی برسوں کا تُو نے
اگر اک دن اچانک تجھ کو مرنا پڑ گیا تو​

 

[زیرک]

جذبوں پر جب برف جمے تو جینا مشکل ہوتا ہے
دل کے آتشدان میں تھوڑی آگ جلانی پڑتی ہے
سیما غزل​

 

[عبدالرحمن آزاد]

جذبوں پر جب برف جمے تو جینا مشکل ہوتا ہے
دل کے آتش دان میں تھوڑی آگ جلانی پڑتی ہے
سیما غزل

 

[زیرک]

مرنا عذاب تھا کبھی جینا عذاب تھا
میرا مشیر عشق سا خانہ خراب تھا
ظہیر کاشمیری​

 

[رباب واسطی]

مرنا تو اس جہاں میں کوئی حادثہ نہیں
اس دور نا گوار میں جینا کمال ہے

 

[زیرک]

تھوڑی فرصت نکال ہی لینا
ہم نے کب روز روز مرنا ہے​