جے اینی وی سانوں ویہل نیں - صوفی تبسم

[زبیر مرزا]

ویہل
ایہہ جندڑی کہیڑے کم دی اے
جے اینی وی سانوں ویہل نیں
ایس غم فکراں دنیا دے
کسے سُکھ دے کنڈھے بہہ کے تے
کجھ ہس لیئے کجھ رو لئیے
کجھ داغ دلاں دے دھولئیے
جے اینی وی سانوں ویہل نیں
اسی ویکھ لئیے
دن کیویں پھیرا پاؤندا اے
کیویں نواں سویرا آؤندا اے
جے اینی وی سانوں ویہل نیں
ایہہ سوچ پووے
کیویں حسن نظارے ڈھل دے نے
کیوں عشق دے بھانبڑبل دے نے
جے اینی وی سانوں ویہل نیں
وچ راتاں دے
اِک پل دوپل اکھاں کھولن دی
تاریاں دے موتی رولن دی
جے اینی وی سانوں ویہل نیں
ایس غم فکراں دی دنیا دے
کسے سُکھ دے اوہلے بہہ کے تے
کوئی رُٹھری یاد منالئیے
اونھوں نال کلیجے لالئیے
جے اینی وی سانوں ویہل نیں

(صوفی غلام مصطفٰی تبسم )

 

[زبیر مرزا]

اے نظم صوفی صاحب دے اُردو، پنجابی تے فارسی کلام دے مجموعے "انجمن " توں انتخاب اے
التباس نایاب عاطف بٹ باباجی نیرنگ خیال محمود احمد غزنوی تلمیذ

 

[نیرنگ خیال]

کسے سُکھ دے کنڈھے بہہ کے تے​

کجھ ہس لیئے کجھ رو لئیے​

کجھ داغ دلاں دے دھولئیے​

جے اینی وی سانوں ویہل نیں​

ودیا شاعری لبھ کے لیائے اؤ ودیا شاعر دی۔ بلّے بلّے کرا دتی سویرے سویرے

 

[فلک شیر]

سبحان اللہ زبیر مرزا بھائی.............صوفی صاحب جیہے قادرالکلام شاعر دی ایڈی سنکھّی نظم..............صوفی صاحب دیاں لکھتاں اپنے روڑھ (flow) تے سادگی اچ گھنبیرتا دے پاروں من کھچدیاں نیں........
ایہہ نظ م پڑھ کے Davies دی Liesure یاد آ گئی.............. ہورے صوفی ہوراں اوہدے توں inspiration لئی ہووے.....پر نظماں دونویں ای کمال نیں..............

 

[تلمیذ]

صوفی صاحب دے پنجابی کلام دی بوہت اعلی ونگی!!
جزاک اللہ، مرزا صاحب۔

 

[نایاب]

سچا کلام ۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[عاطف بٹ]

بہت خوبصورت انتخاب ہے۔
شکریہ زبیر بھائی