احمد راہی جے توں مرزا ہُندوں رانجھیا

[شمشاد]

جے توں مرزا ہُندوں رانجھیا
تے میں تتڑی زہر نہ پَھک دی
ساڈے پیار دی سانجھی پینگ نُوں
بھیڑیا موت دی توڑ نہ سَک دی
تیری کڑی کمان دے مان تے
وی میں کیدو، قاضی ڈَک دی
تُوں کھیڑیاں نُوں بیبا سِجدوں
میں سیالاں نال نَجٹھ دی

تُوں بھانبڑ بن کے مَچدوں
میں ہنیری بن کے جُھلدی
میں ویکھ وی میرے ہتھ دی
گنڈ کسے توں کیویں کُھلدی

جے توں مرزا ہُندوں رانجھیا
وی میں خورے کیہ کجھ کردی
نہ توں بِن آئیوں مردوں
نہ میں بِن آئیوں مردی
(احمد راہی)

 

[قیصرانی]

کافی مشکل لیکن کافی حد تک سمجھ آ گیا

 

[نایاب]

راہی ہوراں کس راہ پا دتا راہیاں نوں ۔۔۔۔۔۔۔۔

تُوں بھانبڑ بن کے مَچدوں
میں ہنیری بن کے جُھلدی
میں ویکھ وی میرے ہتھ دی
گنڈ کسے توں کیویں کُھلدی
بہت شکریہ بہت دعائیں محترم شمشاد بھائی

 

[ماہی احمد]

بہت ہی عمدہ

 

[تلمیذ]

احمد راہی ہورا ں دا کلام وی نویکلا اے۔ پر میرے وچار نال سچا عشق کدے رَناں نوں کڈھن دے راہ نئیں پاندا۔مرزے دی پریت ، پریت نئیں سگوںچھڑی ہوس تے لوبھ سی۔ ایس دے مقابلے وچ رانجھے نمانے نےآپنی تپسیا دی منزل پان لئی بھرجائیاں دے مہنے سہن ، چوچک دیاں مجھاں چارن توں لے کے کن پڑوا کے خیر منگن تیک ہیر نوں حاصل کرن لئی آپنے تن تے روح اتے بوہت ساریاں اوکڑاں جالیاں ، جدھے پاروں اج تیک اوہدا ناں پنجاب دی دھرتی وچ اک سچے عاشق وانگوں زندہ اے۔ تن دی ہوس دے آکھے لگ کے کُڑی کڈھ لیاؤنا عشق تے نئیں ہو سکدا۔
فلک شیر, نیرنگ خیال,

 

[شمشاد]

احمد راہی ہورا ں دا کلام وی نویکلا اے۔ پر میرے وچار نال سچا عشق کدے رَناں نوں کڈھن دے راہ نئیں پاندا۔مرزے دی پریت ، پریت نئیں سگوںچھڑی ہوس تے لوبھ سی۔ ایس دے مقابلے وچ رانجھے نمانے نےآپنی تپسیا دی منزل پان لئی بھرجائیاں دے مہنے سہن ، چوچک دیاں مجھاں چارن توں لے کے کن پڑوا کے خیر منگن تیک ہیر نوں حاصل کرن لئی آپنے تن تے روح اتے بوہت ساریاں اوکڑاں جالیاں ، جدھے پاروں اج تیک اوہدا ناں پنجاب دی دھرتی وچ اک سچے عاشق وانگوں زندہ اے۔ تن دی ہوس دے آکھے لگ کے کُڑی کڈھ لیاؤنا عشق تے نئیں ہو سکدا۔ (تدوین شدہ)
فلک شیر, نیرنگ خیال,

تلمیذ جی تہاڈے مراسلے دے آخیر وچ جہیڑا فقرہ لکھیا ہویا اے، کجھ سمجھ نئیں آئی۔ میرا خیال ہے تُسی اگے وی کجھ لکھنا چاوندے سی۔

 

[سید شہزاد ناصر]

جے توں مرزا ہُندوں رانجھیا
وی میں خورے کیہ کجھ کردی
نہ توں بِن آئیوں مردوں
نہ میں بِن آئیوں مردی
گل ای مکا دتی
تے ایہو ای محترم بھاجی نے کیتی اے
بہت ودھیا شراکت
ہسدے وسدے رہو

 

[تلمیذ]

تلمیذ جی تہاڈے مراسلے دے آخیر وچ جہیڑا فقرہ لکھیا ہویا اے، کجھ سمجھ نئیں آئی۔ میرا خیال ہے تُسی اگے وی کجھ لکھنا چاوندے سی۔

نشان دہی لئی شکریہ، جناب ۔ اک لفظ 'نئیں' رہ گیا سی۔ تدوین کر دتی اے۔ جے ممکن ہے وے تے تسیں وی آپنے اقتباس وچ ٹھیک کر دیو۔

 

[شمشاد]

مراسلہ مدون کر دیا ہے تلمیذ بھائی۔