حاصلِ عشقِ بتاں، سب رائگاں ہو جائے گا - ضامن جعفری

[کاشفی]

غزل
(ضامن جعفری)
"ایسی باتوں سے وہ کافر، بدگماں ہو جائے گا" (غالب)

حاصلِ عشقِ بتاں، سب رائگاں ہو جائے گا
آہِ سوزاں، دیکھ! زخمِ دل دُھواں ہو جائے گا

لے تَو لوں بوسہ تری دہلیز کا آکر مگر
مرجعِ عشّاقِ عالم آستاں ہو جائے گا

خاک میری مائل پرواز ہے، بن کر غبار
ہے یقین مجھ کو، تُو اِک دن آسماں‌ ہو جائے گا

عشق ہے، اِک نقشِ محکم، عشق ہے، نقشِ جلی
حسن ہے امروز، کل وہم و گماں ہو جائے گا

بے وفائی کا گلہ کیوں کر کریں، کس سے کریں
جب جدا خوداستخواں سے استخواں ہو جائے گا

بیٹھ کر تنہا تجھے سوچوں مگر ہوگا یہی
ہم سفر یادوں کا پھر اِک کارواں ہو جائے گا

ہر گھڑی لب پر غزل؟ ضامن یہ باتیں چھوڑ دو
"ایسی باتوں سے وہ کافر، بدگماں ہو جائے گا"​

بشکریہ: نادر خان سرگروہ ، مقیم مکہ مکرمہ​

 

[فاتح]

ہر گھڑی لب پر غزل؟ ضامن یہ باتیں چھوڑ دو
"ایسی باتوں سے وہ کافر، بدگماں ہو جائے گا"
​

ہاہاہاہا۔۔۔ بہت خوب کاشفی صاحب

 

[کاشفی]

ہر گھڑی لب پر غزل؟ ضامن یہ باتیں چھوڑ دو
"ایسی باتوں سے وہ کافر، بدگماں ہو جائے گا"
​

ہاہاہاہا۔۔۔ بہت خوب کاشفی صاحب

شکریہ جناب فاتح صاحب۔۔۔ ہنشی کیوں آئی؟

 

[hani]

بیٹھ کر تنہا تجھے سوچوں مگر ہوگا یہی
ہم سفر یادوں کا پھر اِک کارواں ہو جائے گا

پھت خوپصورت ھے

 

[فاتح]

شکریہ جناب فاتح صاحب۔۔۔ ہنشی کیوں آئی؟

ہنسی اپنے حال پر آئی کہ یہ آپ بیتی سی لگی

بھری بزم میں راز کی بات کہہ دی
​

 

[کاشفی]

بیٹھ کر تنہا تجھے سوچوں مگر ہوگا یہی
ہم سفر یادوں کا پھر اِک کارواں ہو جائے گا

پھت خوپصورت ھے

شکریہ جناب بیحد شکریہ۔۔خوش رہیں۔۔

 

[کاشفی]

ہنسی اپنے حال پر آئی کہ یہ آپ بیتی سی لگی

بھری بزم میں راز کی بات کہہ دی
​

ھمم اچھی بات ہے۔۔۔
مَن کی بات چُھپانا مشکل، آنکھیں سب کہہ دیتی ہیں
ایسے بھی کیا دل پر پہرے، کچھ تو زباں تک آنے دو