مہ جبین
محفلین
حریمِ نور کے آئینہ گر در و دیوار۔۔۔
نظر فزا ہیں وہ حیرت اثر در و دیوار
رہِ حجاز میں حائل نہیں یہ دیواریں
"مقام و راہ "، قیام و سفر درو دیوار
حضور خوب میں آئے تھے ایک شب مِرے گھر
درود پڑھتے رہے عمر بھر درو دیوار
مِرے خیال کے خلوت کدے میں روشن ہیں
دیارِ نور کے شام و سحر درو دیوار
وہ خاک بوس ہوئے میں چلا مدینے کو
لگا گئے ہیں مجھے راہ پر درو دیوار
نگار خانہء ملّت کی خیر ہو آقا
بکھر نہ جائیں یہ خلدِ نظر درو دیوار
جہاں نگاہ نے جھانکا حریمِ دل میں ایاز
وہیں مدینے کے آئے نظر درو دیوار
ایاز صدیقی
