حقیقت ہے کہ امرِ اتفاقی بارہا دیکھا --- ذہین شاہ تاجی از آیاتِ جمال

[مغزل]

’’ غزل ‘‘

حقیقت ہے کہ امرِ اتفاقی بارہا دیکھا
جہا ں وہ بت نظر آیا وہیں ہم نے خدا دیکھا

طلب کی کامیابی نے نظر کی بے حجابی نے
وہی پایا ہوا پایا وہی دیکھا ہوا دیکھا

نہیں معلوم یہ بیتابی ٔ دل چاہتی کیا ہے
جہاں تک بھی نگاہِ شوق سے دیکھا گیا دیکھا

نگاہِ شوق کی یہ خوش نصیبی تو کوئی دیکھے
کسی کا دیکھنا ہی کیا کسی کا دیکھنا دیکھا

سراپا حسن ہے حسن ِ سراپا ہے وہ کیا کہنا
بحسبِ کامِ دل دیکھا، بحسبِ مدعا دیکھا

ذہینِ یوسفی کو فخرِ پابوسی بھی حاصل ہے
کہ اس کی خاکِ مرقد پر تمھارا نقشِ پا دیکھا

بابا ذہین شاہ تاجی، آیاتِ جمال​

 

[الف نظامی]

بہت شکریہ محمود مغل بھائی۔ بہت نوازش!

 

[مغزل]

بہت شکریہ نظامی بھیا، سخنور, ش زاد اور نایاب نقوی صاحب۔ بہت شکریہ

 

[محمد وارث]

بہت خوبصورت غزل ہے اور مطلع کے تو کیا کہنے، واہ واہ واہ۔

شکریہ مغل صاحب!

 

[مغزل]

بہت شکریہ ، بندہ پروری ہے صاحب، محبتوں کا محتاج، مغل

 

[شاہ حسین]

بہت خوب مغل صاحب

 

[مغزل]

بہت بہت شکریہ شاہ صاحب ، سدا خوش رہیں