حمد برائے اصلاح

[ارشد چوہدری]

بحر رمل مثمن مشکول مسکّن (مفعول فاعلاتن مفعول فاعلاتن )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میرا خدا نظامِ ٭ ہستی چلا رہا ہے
وہ ہی بنا رہا ہے ٭ وہ ہی سجا رہا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اُس کا خیال دل میں ٭ رہتا ہے ہر گھڑی ہی
ہوتا نہیں ہے خود ہی ٭ وہ ہی بسا رہا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
توفیق مجھ کر دی ٭ ہے کرتا ہوں ذکر اُس کا
دنیا کی ہر بلا سے ٭ وہ ہی بچا رہا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دیتا ہے سب کو وہ ہی ٭ سب کا خدا وہی ہے
سب نعمتیں ہیں اُس کی ٭ وہ ہی کھلا رہا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
روشن جہاں ہے تجھ سے ٭ تُو روشنی جہاں کی
تیرے ہی دم سے یا رب ٭ یہ جگمگا رہا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہے زندگی کا مقصد ٭ تجھ سے ہی پیار کرنا
یا رب یہی تو مقصد ٭ میرا سدا رہا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تیرے کرم سے ارشد ٭ کا کام چل رہا ہے
تُو راستے پہ اپنے ٭ اُس کو چلا رہا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین ، ریحان قریشی ، خلیل الرحمن

 

[الف عین]

بات ٹوٹ جانے کی بات یاد نہیں رہی کیا؟ مطلع اور آخری شعر میں بات ٹوٹ رہی ہے
مکمل غزل میں آٹھ بار "ہی" کا استعمال ہوا ہے
ایک بار پھر خود اصلاح کریں اپنی غزل کی

 

[ارشد چوہدری]

جنابِ محترم ( ہی ) نکال کر دوبارا لکھی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میرا خدا یہ ساری دنیا چلا رہا ہے
جیسے وہ چاہتا ہے ویسے سجا رہا ہے
۔۔۔۔۔۔۔۔۔۔۔۔۔۔۔۔۔۔۔۔۔
رکھتا ہوں میں ہمیشہ رب کا خیال دل میں
جیسا بھی اس نے چاہا مجھ کو بنا رہا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
توفیق مجھ کو دی کرتا ہوں ذکر اس کا
دنیا کی ہر بلا سے مجھ کو بچا رہا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سب نعمتیں خدا کی دیتا ہے وہ ہی سب کو
سارے ہیں اس کے بندےسب کو کھلا رہا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
روشن جہاں ہے تجھ سے تُو روشنی جہاں کی
سارا کرم ہے تیرا یہ جگمگا رہا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جینے کا بس یہ مقصد تجھ سے پیار کرنا
یارب یہی تو مقصد میرا سدا رہا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تیرے کرم سے ارشد کا کام چل رہا ہے
تُو راستے پہ اپنے اس کو چلا رہا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

میرا خدا یہ ساری دنیا چلا رہا ہے
جیسے وہ چاہتا ہے ویسے سجا رہا ہے
۔۔۔۔۔۔۔۔۔۔۔۔۔۔۔۔۔۔۔۔۔ درست

رکھتا ہوں میں ہمیشہ رب کا خیال دل میں
جیسا بھی اس نے چاہا مجھ کو بنا رہا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ دو لخت ہے دل میں رب کے خیال سے دوسرے مصرعے کے بیانیہ کا تعلق؟
چاہا ماضی کا فعل ہے جب کہ ردیف حال کی ہے
جیسا بھی چاہتا ہے.... ہونا چاہیے

توفیق مجھ کو دی کرتا ہوں ذکر اس کا
دنیا کی ہر بلا سے مجھ کو بچا رہا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پہلے مصرع میں شاید 'ہے' چھوٹ گیا ہے۔ کون؟ اس کا بھی نام لے لیتے اور کچھ تعلق پیدا کرتے
توفیق مجھ کو دی ہے کرتا ہوں ذکر رب کا
یوں ہی بلاؤں سے وہ مجھ کو بچا رہا ہے
یا اس قسم کا اور کچھ مصرع

سب نعمتیں خدا کی دیتا ہے وہ ہی سب کو
سارے ہیں اس کے بندےسب کو کھلا رہا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پہلا مصرع رواں نہیں کچھ متبادل سوچیں

روشن جہاں ہے تجھ سے تُو روشنی جہاں کی
سارا کرم ہے تیرا یہ جگمگا رہا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ یہ کون جگمگا رہا ہے ؟ جگ جگمگا رہا ہے کیا جا سکتا ہے

جینے کا بس یہ مقصد تجھ سے پیار کرنا
یارب یہی تو مقصد میرا سدا رہا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ہم کو عبادت کے لیے پیدا کیا گیا ہے، پیار کرنے کے لیے نہیں... یہ مفہوم کے اعتبار سے، ویسے پہلا مصرع وزن میں نہیں

تیرے کرم سے ارشد کا کام چل رہا ہے
تُو راستے پہ اپنے اس کو چلا رہا ہے
... رہا ہے دونوں مصرعوں میں اچھا نہیں لگتا