حمد برائے اصلاح

[ارشد چوہدری]

بحر ہزج مثمن سالم ( مفاعیلن مفاعیلن مفاعیلن مفاعیلن )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہی خالق سبھی کا ہے کھلاتا ہے پلاتا ہے
سبھی کے حال کو جانے سبھی کا وہ ہی داتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چلاتا ہے وہی اس پر جو سیدھی راہ ہے اس کی
بھلا چاہے سبھی کا وہ وہی رستہ دکھاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سبھی مخلوق اس کی ہے سبھی کا وہ ہی خالق ہے
جہاں سارا اسی کا ہے وہی سب کچھ بناتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہی کرتا ہے زندہ جب زمیں مردہ ہو جاتی ہے
وہی سوکھے درختوں پر نئے پتے اُگاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بکھیرے ہیں اسی نے سب جو دنیا میں نظارے ہیں
وہی جنگل اگاتا ہے وہی دریا بہاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کہیں روتا تھا کوئی باپ بیٹے کی جدائی میں
وہی بچھڑے ہوئے رشتوں کو پھر سے ملاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اُسی کے در پہ جھکنا ہے اسی کی بس عبادت ہے
اسی کا کرم ہے ہم پرہمیں در پر بُلاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تجھے ارشد عطا کی ہے سمجھ تیرے خدا نے ہی
اُسی کی حمد لکھا کر وہی تجھ کو سکھاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[محمد خلیل الرحمٰن]

بحر ہزج مثمن سالم ( مفاعیلن مفاعیلن مفاعیلن مفاعیلن )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہی خالق سبھی کا ہے کھلاتا ہے پلاتا ہے
سبھی کے حال کو جانے سبھی کا وہ ہی داتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چلاتا وے وہی اس پر جو سیدھی راہ ہے اس کی
بھلا چاہے سبھی کا وہ وہی رستہ دکھاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سبھی مخل؛وق اس کی ہے سبھی کا وہ ہی خالق ہے
جہاں سارا اسی کا ہے وہی سب کچھ بناتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہی کرتا ہے زندہ جب زمیں مردہ ہو جاتی ہے
وہی سوکھے درختوں پر نئے پتے اُگاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بکھیرے ہیں اسی سب جو دنیا میں نظارے ہیں
وہی جنگل اگاتا ہے وہی دریا بہاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کہیں روتا تھا کوئی باپ بیٹے کی جدائی میں
وہی بچھڑے ہوئے رشتوں کو پھر سے ملاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اُسی کے در پہ جھکنا ہے اسی کی بس عبادت ہے
اسی کا کرم ہے ہم پرہمیں در پر بُلاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تجھے ارشد عطا کی ہے سمجھ تیرے خدا نے ہی
اُسی کی حمد لکھا کر وہی تجھ کو سکھاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہماری صلاح:

کچھ ٹائپوز ہیں جنہیں ہم ابھی درست کیے دیتے ہیں البتہ اساتذہ کی آمد سے پہلے درج ذیل مصرعوں کو درست کرلیجیے۔

سبھی کے حال کو جانے، سبھی کا وہ ہی داتا ہے
کو
سبھی کے حال کو جانے، سبھی کا ہی وہ داتا ہے
کردیجیے۔

وہی کرتا ہے زندہ جب زمیں مردہ ہو جاتی ہے
اس مصرع میں آپ نے ' ہو جاتی' کو ہجاتی' باندھا ہے۔

وہی بچھڑے ہوئے رشتوں کو پھر سے ملاتا ہے
یہ مصرع بحر میں نہیں۔

اسی کا کرم ہے ہم پر ہمیں در پر بلاتا ہے
اس مصرع میں کرم دال پر جزم کے ساتھ باندھا ہے جو غلط ہے

 

[الف عین]

وہی خالق سبھی کا ہے کھلاتا ہے پلاتا ہے
سبھی کے حال کو جانے سبھی کا وہ ہی داتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سبھی کے حال کو جانے، غیر متعلق بات نہیں؟ بلکہ خالق کی بجائے رازق کہیں تو بہتر ہو۔ 'وہ ہی' صوتی طور پر ناگوار لگتا ہے
یوں کہیں
وہی اللہ ہے، ہم کو کھلاتا ہے پلاتا ہے
وہی رازق ہے ہم سب کا، وہی تو سب کا داتا ہے
تو بہتر ہو گا۔ پہلے ہی شعر میں معلوم تو ہو جائے کہ پڑھنے والا حمد پڑھ رہا ہے!

چلاتا وے وہی اس پر جو سیدھی راہ ہے اس کی
بھلا چاہے سبھی کا وہ وہی رستہ دکھاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گویا کوئی برائی کر ہی نہیں سکتا!! اللہ محض رہنمائی کرتا ہے، اس پر چلنا تو اختیاری ہے!

سبھی مخل؛وق اس کی ہے سبھی کا وہ ہی خالق ہے
جہاں سارا اسی کا ہے وہی سب کچھ بناتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وہ ہی، بجائے وہی، اچھا نہیں، مخلوق جمع میں ہے، پہلا مصرع یوں بہتر ہو گا
سبھی مخلوق ہیں اس کی، سبھی کا ہی وہ خالق ہے

وہی کرتا ہے زندہ جب زمیں مردہ ہو جاتی ہے
وہی سوکھے درختوں پر نئے پتے اُگاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 'ہُجاتی' اچھا نہیں۔ الفاظ بدل دیں

بکھیرے ہیں اسی سب جو دنیا میں نظارے ہیں
وہی جنگل اگاتا ہے وہی دریا بہاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ شاید 'نے' بھول گئے ہیں ۔ درست ہے

کہیں روتا تھا کوئی باپ بیٹے کی جدائی میں
وہی بچھڑے ہوئے رشتوں کو پھر سے ملاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ یہ تو ضروری نہیں

اُسی کے در پہ جھکنا ہے اسی کی بس عبادت ہے
اسی کا کرم ہے ہم پرہمیں در پر بُلاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کرم وزن میں نہیں آتا.
ہر شخص کو بلاتا ہے؟ یہ بھی حقیقت نہیں

تجھے ارشد عطا کی ہے سمجھ تیرے خدا نے ہی
اُسی کی حمد لکھا کر وہی تجھ کو سکھاتا ہے
درست

 

[ارشد چوہدری]

تصحیح پر اساتذہ کا شکر گزار ہوں۔ جلدی میں ٹائپنگ کی غلطیاں رہ گئیں ۔ انشاءاللہ اصلاح اور غلطیوں کو سامنے رکھ کر کل دوبرہ لکھوں گا۔ پہلے شعر میں کاغذ پر خالق ہی لکھا تھا ٹائپ کرنا بھول گیا۔ رشتے ملانے والے شعر میں حضرت یعقوب اور حضرت یوسف علیہ السلام کی طرف اشارہ کرنے کی کوشش کی تھی۔

 

[الف عین]

یہ مشورہ میں نے ایک گھنٹے کے دوران جب جب فرصت ملتی گئی.، دیتا رہا۔ اس عرصے میں بھائی خلیل میدان میں اتر گئے

 

[ارشد چوہدری]

تصحیح کے بعد اساتذہ کی خدمت میں ایک بار پھر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہی اللہ ہے ،ہم کو کھلاتا ہے پلاتا ہے
وہی رازق ہے ہم سب کا ، وہی تو سب کا داتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہی دیتا ہدایت ہے مگر مانگے اگر کوئی
بھلا چاہے سبھی کا وہ وہی رستہ دکھاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سبھی مخلوق ہیں اس کی ،سبھی کا ہی وہ خالق ہے
جہاں سارا اسی کا ہے وہی سب کچھ بناتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہی کرتا ہے زندہ جب زمیں مردہ ہو جائے تو
وہی سوکھے درختوں پر نئے پتے اگاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بکھیرے ہیں اُسی نے سب جو دنیا میں نظارے ہیں
وہی جنگل اُگاتا ہے وہی دریا بہاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بچھڑ جائے اگر کوئی کسی کا چاہنے والا
وہ کرتا ہے دعائیں جب خدا اکثر ملاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اُسی کے در پہ جھکنا ہے اُسی کی بس عبادت ہے
اُسی کی یہ عنایت ہے ہمیں در پر بلاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تجھے ارشد عطا کی ہے سمجھ تیرے خدا نے ہی
اُسی کی حمد لکھا کر وہی تجھ کو سکھاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(استادِ محترم چند اشعار کا اضافہ کیا ہے تاکہ جو اشعار زیادہ بہتر ہوں اُن کو سلیکٹ کر لیا جائے )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہی خالق وہی مالک وہی رازق سبھی کا ہے
سبھی کو وہ ہی دیتا ہے سبھی کو وہ کھلاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بدل دیتا ہے موسم کو ، بدلے رات کو دن میں
وہی تو ہے جو ہم کو ہر طرح کے پھل کھلاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہی تو جانتا ہے جو ہمارے دل میں ہوتا ہے
وہی تو ہے ہمارے دل میں جذبوں کو جگاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کبھی سردی کبھی گرمی خزاں ہے اب کبھی پت جڑ
ہمیں اپنی وہ قدرت کے نظارے سب دکھاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

وہی دیتا ہدایت ہے مگر مانگے اگر کوئی
بھلا چاہے سبھی کا وہ وہی رستہ دکھاتا ہے
وہی رستا رستے کی نشاندہی کے لیے ہے یا نشاندہی کرنے والے کے لیے؟

وہی کرتا ہے زندہ جب زمیں مردہ ہو جائے تو
... اعتراض 'ہو' کو 'ہُ' باندھنے پر تھا چاہے ہُجاتی ہو یا ہُجائے۔ الفاظ بدلنے کی سوچیں نا!
زمیں مردہ جو ہو جائے، وہی کرتا ہے پھر زندہ

یہ دونوں اشعار اب بھی پسند نہیں آئے مفہوم کے لحاظ سے
بچھڑ جائے اگر کوئی کسی کا چاہنے والا
وہ کرتا ہے دعائیں جب خدا اکثر ملاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اُسی کے در پہ جھکنا ہے اُسی کی بس عبادت ہے
اُسی کی یہ عنایت ہے ہمیں در پر بلاتا ہے

مقطع اور وہ اشعار تو درست ہیں ہی جو میں ہی تجویز کر چکا ہوں

اب نئے اشعار
وہی خالق وہی مالک وہی رازق سبھی کا ہے
سبھی کو وہ ہی دیتا ہے سبھی کو وہ کھلاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وہ ہی ناگوار ہے، اگر یہی شعر پسند ہے تو دوسرا مصرع یوں کر دو۔
وہی سب کو کھلاتا ہے وہی سب کو پلاتا ہے
بطور شعر یہ بہتر ہے لیکن پھر مطلع والا مضمون ہی دہرایا گیا ہے

بدل دیتا ہے موسم کو ، بدلے رات کو دن میں
وہی تو ہے جو ہم کو ہر طرح کے پھل کھلاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پہلا مصرع بحر سے خارج، روانی بھی کم ہے ، یوں کہیں
وہ بدلے رات کو دن میں، بدل دیتا ہے موسم بھی

وہی تو جانتا ہے جو ہمارے دل میں ہوتا ہے
وہی تو ہے ہمارے دل میں جذبوں کو جگاتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ دونوں مصرعوں میں 'تا ہے' مشترک ہے ، الفاظ بدلیں

کبھی سردی کبھی گرمی خزاں ہے اب کبھی پت جڑ
ہمیں اپنی وہ قدرت کے نظارے سب دکھاتا ہے
خزاں اور پت جھڑ تو ایک ہی بات ہے! بہاراں ہے کبھی پت جھڑ کیا جا سکتا ہے لیکن دوسرا مصرع بھی رواں نہیں 'اپنی وہ قدرت' کی وجہ سے