ماہر القادری حمد: تری ذات ہی ہے غفور و رحیم

[محمد تابش صدیقی]

تری ذات ہی ہے غفور و رحیم
نہیں کوئی تیرا شریک و سہیم

ترے در کے محتاج خضر و مسیحؑ
ترے نام لیوا خلیلؑ و کریمؑ

ترے لطف و رحمت کی ادنیٰ جھلک
سحر کا تبسم، گلوں کی شمیم

ترے حکمِ ”کن“ کا ہے یہ سب ظہور
لہکتے گلستاں، مہکتی نسیم

کوئی چیز بھی تجھ سے اوجھل نہیں
کہ تو ہے خدائے بصیر و علیم

ہے ماہرؔ ترا بندۂ ناتواں
کرم کی نظر مجھ پہ ربِّ کریم!
٭٭٭
ماہر القادریؒ​

 

[الف نظامی]

ہے ماہرؔ ترا بندۂ ناتواں
کرم کی نظر مجھ پہ ربِّ کریم!​