حُسین انجُم --- خوشبو کسی بدن کا ابھی میرے بر میں ہے

[طارق شاہ]

غزل​

حُسین انجُم​

​

خوشبو کسی بدن کا ابھی میرے بر میں ہے ​

گونجی ہُوئی صدا کوئی دِیوار و در میں ہے​

​

کُشتہ ہیں اپنی فکرِ تغافل شعار کا ​

سودا کسی کی زُلف کا کب اپنے سرمیں ہے​

​

ہر آئینے کو نقشِ تحیّر بنا دیا ​

وہ نقش کون سا دل آئینہ گر میں ہے​

​

شورِ نشور جس کے مقابل ہے دم بخُود ​

ایسا سکوت دامنِ قلب ونظر میں ہے​

​

ہاں ، تلخیوں میں آبِ طرب کے ہے وہ مٹھاس​

جو قند وشیرمیں ہے نہ شہد وشکرمیں ہے​

​

انجم، بشر کے خانۂ گںبد میں کیا نہیں ​

وہ راز بھی تھا باز کے جو بال و پر میں ہے​

​

حُسین انجُم ​

​

​

 

[سید زبیر]

بہت خوب​

ہاں ، تلخیوں میں آبِ طرب کے ہے وہ مٹھاس​

جو قند وشیرمیں ہے نہ شہد وشکرمیں ہے​

واہ

 

[طارق شاہ]

بہت خوب​

ہاں ، تلخیوں میں آبِ طرب کے ہے وہ مٹھاس​

جو قند وشیرمیں ہے نہ شہد وشکرمیں ہے​

واہ

سید صاحب!
ممنون ہوں پذیرائیِ انتخاب اور اظہارِ خیال پر!
محنت بارآور ہوئی جو پیش کردہ غزل آپ کو پسند آئی
تشکّر
بہت شاداں رہیں