حکومتوں کا مزاج بدلا ، عبادتوں کا نظام بدلا

[ام نور العين]

حکومتوں کا مزاج بدلا ، عبادتوں کا نظام بدلا
جنابِ ختم الرسل ﷺ كے آنے سے رنگِ ہر خاص وعام بدلا

چلا جو فاراں كى رفعتوں سے وہ زندگی كى ہوا كا جھونکا
نگر نگر انقلاب لایا ، چمن چمن انتظام بدلا

حِرا كى تنہائيوں سے اٹھا وہ آفتابِ حيات بن كر
اُسى سے احساسِ صبح جاگا ، اُسی سے اندازِ شام بدلا

پيامِ عرفانِ ذات آیا ، سُراغِ راہِ نجات لایا
رُسوم بدلیں ، رِواج بدلا، سماج كا اِنتِظام بدلا

جمالِ آداب كا نمونہ ، كمالِ اخلاق كا پيَمبر
اُسى نے ذَوقِ سلیم بخشا ، اُسی نے طرزِ كلام بدلا

حُنَين و طائِف كى وادیاں اُس كے دَم سے گل زار ہو گئی ہيں
وہ رَحمتوں كا سحاب برسا ، قرينہءِ انتِقام بدلا

غُرورِ نسل و وطن مٹا كر عُروجِ سیرت كا حُسن بخشا
اسی نے ذوقِ خواص بدلا ، اسى نے رنگِ عوام بدلا

البم: حمد و مدح از دارالسلام

 

[مہ جبین]

سبحان اللہ ام نور العين بہت عمدہ ہدیہء نعت ہے جزاک اللہ