جگر خاص اِک شان ہے یہ آپ کے دیوانوں کی ۔ جگر مراد آبادی

[فرخ منظور]

خاص اِک شان ہے یہ آپ کے دیوانوں کی​

دھجیاں خود بخود اڑتی ہیں گریبانوں کی​

​

سخت دشوار حفاظت تھی گریبانوں کی​

آبرو موت نے رکھ لی ترے دیوانوں کی​

​

رحم کر اب تو جنوں! جان پہ دیوانوں کی​

دھجیاں پاؤں تک آپہنچیں گریبانوں کی​

​

گرد بھی مل نہیں سکتی ترے دیوانوں کی​

خاک چھانا کرے اب قیس بیابانوں کی​

​

ہم نے دیکھی تھی ادا کل ترے دیوانوں کی​

دھجیاں کچھ لیے بیٹھے تھے گریببانوں کی​

​

ابتدا عشق کی ہے فطرتِ انساں کی نمود​

انتہا عشق کی تکمیل ہے انسانوں کی​

​

جب سے غش کھا کے گرے حضرتِ موسیٰ سرِ طور​

گھٹ گئی شان ہی کچھ عشق کے افسانوں کی​

​

دل میں باقی نہیں وہ جوشِ جنوں ہی ورنہ​

دامنوں کی نہ کمی ہے نہ گریبانوں کی​

​

اس نے جو آگ لگا دی وہ فروزاں ہی رہی​

بجھ گئی آگ لگائی ہوئی ارمانوں کی​

​

(جگر مراد آبادی)​

 

[حسان خان]

ابتدا عشق کی ہے فطرتِ انساں کی نمود​

انتہا عشق کی تکمیل ہے انسانوں کی​

بہت خوب! ​

 

[فرخ منظور]

ابتدا عشق کی ہے فطرتِ انساں کی نمود​

انتہا عشق کی تکمیل ہے انسانوں کی​

بہت خوب! ​

انتخاب کی پذیرائی کے لیے بہت شکریہ حسان میاں!

 

[سید شہزاد ناصر]

کیا زبردست انتخاب ہے
بھائی صاحب مجھے ٹیگ نہیں کیا
لفڑا نہیں کرنے کا؟

 

[فرخ منظور]

کیا زبردست انتخاب ہے
بھائی صاحب مجھے ٹیگ نہیں کیا
لفڑا نہیں کرنے کا؟

بہت شکریہ شہزاد صاحب۔ لیکن حضور میں ٹیگ کسی کو بھی نہیں کرتا یہ تو زبردستی کلام پڑھوانے والی بات ہوتی ہے۔

 

[سید شہزاد ناصر]

بات زبردستی کی نہیں
پسند اور ناپسند کی ہے
آپ کا انتخاب مجھے پسند ہے
پھر میں پڑھنے سے کیوں محروم رہوں

 

[فرخ منظور]

بات زبردستی کی نہیں
پسند اور ناپسند کی ہے
آپ کا انتخاب مجھے پسند ہے
پھر میں پڑھنے سے کیوں محروم رہوں

چلیں اب ہر کلام آپ کو ٹیگ کیا کروں گا۔ میں صرف اس لیے ٹیگ نہیں کرتا کیونکہ مجھے یہ زبردستی کا سودا لگتا ہے۔

 

[سید شہزاد ناصر]

چلیں اب ہر کلام آپ کو ٹیگ کیا کروں گا۔ میں صرف اس لیے ٹیگ نہیں کرتا کیونکہ مجھے یہ زبردستی کا سودا لگتا ہے۔

میں کئی دفع آپ کے ساتھ یہ زبردستی کر چکا ہوں

 

[فرخ منظور]

میں کئی دفع آپ کے ساتھ یہ زبردستی کر چکا ہوں

آپ ٹیگ غلط کرتے ہیں۔ جیسے میں نے فانی کی غزل میں آپ کو ٹیگ کیا ہے ویسے کیا کریں ورنہ مجھے پتا نہیں چلتا کہ آپ نے کہاں ٹیگ کر دیا مجھے۔ پتا چلے سولی پر ٹیگ کر دیا۔

 

[سید شہزاد ناصر]

آپ ٹیگ غلط کرتے ہیں۔ جیسے میں نے فانی کی غزل میں آپ کو ٹیگ کیا ہے ویسے کیا کریں ورنہ مجھے پتا نہیں چلتا کہ آپ نے کہاں ٹیگ کر دیا مجھے۔ پتا چلے سولی پر ٹیگ کر دیا۔

سولی پر ٹیگ کس طرح کرتے ہیں

 

[فرخ منظور]

سولی پر ٹیگ کس طرح کرتے ہیں

جیسے عیسائیوں کے عقیدے کے مطابق حضرت عیسیٰ کو کیا گیا تھا۔

 

[سید شہزاد ناصر]

خوب کہی حضرت

 

[نایاب]

بہت خوب انتخاب
ابتدا عشق کی ہے فطرتِ انساں کی نمود
انتہا عشق کی تکمیل ہے انسانوں کی

 

[فرخ منظور]

بہت خوب انتخاب
ابتدا عشق کی ہے فطرتِ انساں کی نمود
انتہا عشق کی تکمیل ہے انسانوں کی

بہت شکریہ جناب!

 

[عمران اسلم]

واہ۔ عمدہ شراکت
ممنون ۔ جنابِ فرخ

 

[فرخ منظور]

واہ۔ عمدہ شراکت
ممنون ۔ جنابِ فرخ

بہت عنایت عمران صاحب!

 

[mohsin ali razvi]

بسیارخوب