خاندان ، رشتے

[جاسمن]

دل کے تعلقات کی خوشبو کہیں نہیں
مربوط خاندان اُڑا لے گئی ہوا
ناز قادری

 

[جاسمن]

اسی لیے میں روایت سے منحرف نہ ہوا
کہ چھوڑ دے نہ مجھے میرا خاندان کہیں
آصف شفیع

 

[جاسمن]

شجاع شاعری ہوتی ہے ذات کے بل پر
مری کمک پہ کوئی خاندان تھوڑی ہے
شجاع خاور

 

[جاسمن]

تو سمجھتا ہے کہ رشتوں کی دہائی دیں گے
ہم تو وہ ہیں کہ جو چہروں سے دکھائی دیں گے

وسیم بریلوی

 

[جاسمن]

یہ خاندان ہمارا بکھر گیا جب سے
مزہ ہمیں کسی تہوار میں نہیں آتا

رؤف خیر

 

[زوجہ اظہر]

بھائی کے بھائی سے کچھ تقاضےبھی ہیں
صحن کے بیچ دیوار اپنی جگہ
نواز دیوبندی

 

[گُلِ یاسمیں]

اس زاویے سے پیڑ لگایا ہے بھائی نے
آتا نہیں ذرا سا بھی سایہ مری طرف

 

[سیما علی]

بھاگ ان بردہ فروشوں سے کہاں کے بھائی
بیچ ہی دیویں جو یوسف سا برادر ہووے

 

[سیما علی]

ہمدرد ہوں غیور ہوں اور پرخلوص ہوں
اے کارساز بہنوں کو اب ایسے بھائی دے
زیب النسا زیبی

 

[سیما علی]

ان گلی کوچوں میں بہنوں کا محافظ کون ہے
کسب زر کی دوڑ میں بستی سے ماں جائے گئے
طالب جوہری

 

[سیما علی]

اب جو رشتوں میں بندھا ہوں تو کھلا ہے مجھ پر
کب پرند اڑ نہیں پاتے ہیں پروں کے ہوتے
جون ایلیا

 

[جاسمن]

تم مری گود کے پالے ہوئے شہزادے ہو
چن لیامیں نےتمہیں تخت نشینی کےلئے
( اعتبار ساجد )

 

[جاسمن]

کل مرے بیٹے نے تصویر بنائ میری
ایک بیٹےکی نظرباپ کویوں دیکھتی ہے
(اعتبارساجد

 

[جاسمن]

ساعت, فکر, سخن ہو کہ دعا کے لمحات
میرے بیٹے مری تصویر بنا دیتے ہیں
باپ سے اتنی محبت مری اولاد کو ہے
میرے ہرعکس کی توقیر بڑھا دیتےہیں
اعتبارساجد