خدایا! عشقِ حبیب دیدے (دعا)

[ڈاکٹر مشاہد رضوی]

خدایا! عشقِ حبیب دیدے

ازقلم: ڈاکٹر مشاہد رضوی

مِٹا کے دل سے خیالِ ہستی ، خدایا! عشقِ حبیٖب دیدے
کٹے یہ سر نامِ مصطفیٰ پر ، تو ہم کو ایسا نصیٖب دیدے

نگاہِ باطل میں تیغِ بُرّاں ، ہوں اپنوں میں نرم ومعتدل ہم
جلال دے ، اُنس وپیار بھی دے ، شعورِ فہمِ رقیٖب دیدے

مٹا کے دل سے تو داغِ فُرقت ، تمنا پوری ہماری فرما
طوافِ کعبہ نصیب کردے ، درِ حبیٖبِ لبیٖب دیدے

جو نبضِ عالم پہ ہاتھ رکھ کر ، غم و الم کا کرے مداوا
جو فکرِ صالح کا ہو مبلغ ، رضاؔ سا ہم کو طبیٖب دیدے

دعائیں میری قبول فرما ، تو دفن کے واسطے خدایا
مُشاہدِؔ رضوی خستہ جاں کو ، زمینِ کوئے حبیٖب دیدے​

 

[سید زبیر]

سبحان اللہ
دعائیں میری قبول فرما ، تو دفن کے واسطے خدایا
مُشاہدِؔ رضوی خستہ جاں کو ، زمینِ کوئے حبیٖب دیدے

 

[الشفاء]

واہ۔ سبحان اللہ۔۔۔
بہت خوب کہا ہے ڈاکٹر صاحب۔۔۔
جزاک اللہ خیر۔۔۔

 

[ڈاکٹر مشاہد رضوی]

واہ۔ سبحان اللہ۔۔۔
بہت خوب کہا ہے ڈاکٹر صاحب۔۔۔
جزاک اللہ خیر۔۔۔

آمین بجاہ النبی الامین صلی اللہ علیہ وسلم