عبیداللہ علیم خواب ہی خواب کب تلک دیکھوں

[عاطف بٹ]

خواب ہی خواب کب تلک دیکھوں​

کاش تجھ کو بھی اک جھلک دیکھوں​

​

چاندنی کا سماں تھا اور ہم تم​

اب ستارے پلک پلک دیکھوں​

​

جانے تو کس کا ہم سفر ہوگا​

میں تجھے اپنی جاں تلک دیکھوں​

​

بند کیوں ذات میں رہوں اپنی​

موج بن جاؤں اور چھلک دیکھوں​

​

صبح میں دیر ہے تو پھر اک بار​

شب کے رخسار سے ڈھلک دیکھوں​

​

ان کے قدموں تلے فلک، اور میں​

صرف پہنائیِ فلک دیکھوں​

 

[غدیر زھرا]

بند کیوں ذات میں رہوں اپنی​

موج بن جاؤں اور چھلک دیکھوں

کیا کہنے بہت عمدہ ---​

 

[سید زبیر]

بہت خوب ، کیا خوبصورت کلام شئیر کیا ہے۔ لاجواب
صبح میں دیر ہے تو پھر اک بار
شب کے رخسار سے ڈھلک دیکھوں
خوش رہیں عاطف بٹ

 

[طارق شاہ]

خواب ہی خواب کب تلک دیکھوں​

کاش تجھ کو بھی اک جھلک دیکھوں​

​

تشکّر شیئر کرنے پر ​

بہت خوش رہیں ​

 

[عمر سیف]

بہت خوب

 

[نیرنگ خیال]

صبح میں دیر ہے تو پھر اک بار​

شب کے رخسار سے ڈھلک دیکھوں​

​

واہ کیا کہنے۔۔ بہت عمدہ ​