سیما علی
لائبریرین
وجود زن سے ہے تصویر کائنات میں رنگ
اسی کے ساز سے ہے زندگی کا سوز دروں
تمام بلند حوصلہ و باہمت خواتین و حضرات کو خواتین کا عالمی دن بے حد مبارک۔ حضرات ہم نے اس لئے کہا کہ وہ خواتین کے بغیر اور خواتین انکے بغیر نا مکمل ۔
اپنے حقوق کے حصول کے سفر میں حصول منزل تک آپ کے ساتھ ساتھ حضرات بھی آپ کے ہر مشن میں آپکے کے ساتھ ساتھ کبھی بھائی کے روپ میں کہیں بیٹے کے روپ میں کہیں باپ کی صورت حوصلہ و ہمت دیتے ہوئے اور کہیں شوہر کی صورت ہی وہ ہستی ہوتی ہے جوحقیقتاً نہ صرف بیوی کے ہم قدم ہوتی ہے
اور اپنے خوابوں کو عملی جامہ پہناتی ہے۔۔
ہم آج کے دن اس بات پر بیحد خوش ہوتے ہیں کہ ہماری سالگرہ بھی خواتین کے عالمی دن ہوتی ہے ۔۔۔
آٹھ مارچ کا دن خواتین کے عالمی دن کے طور پر دنیا بھر میں منایا جاتا ہے۔ آئیے آج کے دن عہد کریں کہ ہم سب مل کر ایک ایسے معاشرے کی تشکیل کریں گے جس میں عورت کو عورت سے پہلے ایک جیتا جاگتا، ایک سوچنے سمجھنے والا، بالکل اپنے جیسا انسان سمجھا جائے۔ جہاں الرجال قوامون على النسا کا مطلب ’مرد عورتوں پر حاکم ہیں نہ لیا جائے‘ ، جہاں، عورت ملکی قوانین کے اندر رہتے ہوئے اپنی مرضی کی ویسی ہی مالک ہو، جیسے کہ ایک مرد ہوتا ہے، جہاں عورتوں کا ونی کیا جانا، اور قرآن سے شادی کا تصور بھی نہ پایا جائے، جہاں عورتوں کو اپنی زندگی کی راہیں چننے کا مکمل اختیار ہو، جہاں بازاروں میں، بسوں میں پبلک پلیسز پر، دفاتر اور درس گاہوں میں، عورتوں کو جنسی ہراسانی کا سامنا نہ کرنا پرتا ہو، جہاں بیٹیوں، اور بہنوں کو ان کے تمام حقوق دیے جانے کا رواج ہو، جہاں رشتہ پر انکار کرنے پر لڑکیوں کے چہروں پر تیزاب پھینکنا ممکن نہ ہو، جہاں سیاسی، یا خاندانی لڑائیوں میں عورتوں کو نشانہ نہ بنایا جاتا ہو۔
خواتین کا عالمی دن کئی ممالک میں قومی تعطیل کا دن ہے بشمول روس کے جہاں ان دنوں میں پھولوں کی فروخت ریکارڈ سطح تک پہنچ جاتی ہے ۔ چین میں حکومت کی جانب سے خواتین کو آدھے دن کی چھٹی بھی دی جاتی ہے ۔ اٹلی میں اس دن مموسا بلوسمز کے پھول دئیے جاتے ہیں جبکہ امریکا میں مارچ کا مہینہ تاریخ نسواں کے مہینے کے طور پرمنایا جاتا ہے، اس حوالے سے ایک صدارتی اعلان بھی کیا جاتا ہے جس میں سال بھر کی خواتین کی کامیابیوں کو اعزاز بھی دیا جاتا ہے ۔
اس دن کا مقصد خواتین کی سماجی، سیاسی اور اقتصادی جدوجہد کو خراج تحسین پیش کرنا تھا ۔خواتین کو خراج تحسین پیش کرنے کے لئے گوگل نے اپنا ڈوڈل جاری کیا ۔خواتین کی معاشرے میں اہمیت اجاگر کرنے کیلئے جہاں دنیا بھر میں عالمی دن منایا جاتا ہے، تو وہیں خواتین نے ثابت بھی کیا ہے کہ ان کی شمولیت کے بغیر کوئی بھی معاشرہ ترقی کی راہ پر گامزن نہیں ہوسکتا۔پاکستان میں خواتین کے عالمی دن پر سینیٹ میں قرار داد منظورسینیٹ اجلاس میں بھی ایک قرارداد متفقہ طور پر منظور کی گئی ہے۔ قرار داد میں کہا گیا ہے کہ حکومت خواتین کی معیشت میں شمولیت کے فروغ کو یقینی بنائے۔ڈپٹی چیئرمین کی زیرصدارت ہونے والے سینیٹ اجلاس میں خواتین سے متعلق قرار داد سیمی ایزدی نے پیش کی۔
قرار داد میں کہا گیا کہ مؤثر تعلیمی اور ہنر سکھانے کے پروگرامزکو فروغ دیا جائے، منصوبہ بندی اور تعلیمی اصلاحات سے فیصلہ سازی میں خواتین کی شمولیت کو یقینی بنایا جائے۔
خواتین کے عالمی دن پر اس کا عہد کی ضرورت ہے کہ ہم اس معاشرے میں رہنے والی تمام خواتین کو سماجی، معاشی، ثقافتی اور سیاسی طور پر مردوں کے شانہ بشانہ مقام دینے کے لیے جدوجہد کریں گے اور ان کی حوصلہ افزائی کریں گے تاکہ ایک مثالی معاشرے کی بنیاد رکھی جا سکے۔
کوئی قوم خواتین کے بغیر ترقی کی راہ پر گامزن نہیں ہو سکتی اور ترقی یافتہ ممالک کی ترقی کا راز بھی یہی ہے کہ خواتین مردوں کے شانہ بشانہ خدمات سرانجام دے رہیں ہیں۔۔
