محسن نقوی خوبصورت ترین لڑکی ۔

[ناعمہ عزیز]

گاؤں کے بے چراغ رستے میں
میلی چادر بچھا کے مٹی پر
یہ جو اندھے اداس دل والی
ایک پاگل دکھائی دیتی ہے
جس کی بے ربط گفتگو اکثر
بام و در کو سنائی دیتی ہے
جس کی آنکھوں میں رات ڈھلتی ہے
جس کی شہ رگ کے ڈھلتے موسم میں
زندگی کی تپش پگھلتی ہے
جم گئے جس کے خواب چہرے پر
جھریاں ہیں بے حساب چہرے پر
کانپتے ہاتھ جن کے سائے سے
آخرِ شب دعا لرزتی ہے
جس کی اکھڑی اکھڑتی سانسوں سے
روز و شب کے بھنور گریزاں ہیں
بھوک جس کے لئے غذا جیسی
جس کے نزدیک پیاس پانی ہے
اس کو عبرت سے دیکھنے والو
اس کے بارے میں اپنے گاؤں کے
داستاں گو بزرگ کہتے ہیں
یہ اکیلی اداس بنجارن
اب سے آدھی صدی سے اس جانب
روپ میں دھوپ سے بھی اجلی تھی
پھول کھلتے تھے جس کے آنگن میں
خوشبوؤں سے خراج لیتی تھی
اب سے آدھی صدی کے اس جانب
یہ اکیلی اداس بنجارن
اپنے گاؤں کی اپسراؤں میں
"خوبصورت ترین لڑکی تھی "۔۔۔

 

[ناعمہ عزیز]

معلوم نہیں کہ اس کا عنوان کیا رکھا ہو گا محسن نقوی نے لیکن ، مجھے یہی اچھا لگا تو لکھ دیا

 

[فاتح]

ایسی نظم پر واہ کس طرح لکھا جائے؟ کتنا درد پرو دیا ہے الفاظ میں محسن نقوی نے۔۔۔ ہائے ہائے ہائے
خصوصاً یہ دو سطریں تو گویا کائنات کا سارا دکھ اپنے اندر سموئے ہوئے ہیں۔۔۔
کانپتے ہاتھ جن کے سائے سے
آخرِ شب دعا لرزتی ہے

معلوم نہیں کہ اس کا عنوان کیا رکھا ہو گا محسن نقوی نے لیکن ، مجھے یہی اچھا لگا تو لکھ دیا

اس نظم کا عنوان محسن نقوی نے "خزاں" رکھا تھا۔

 

[سلمان حمید]

بہت ہی خوبصورت نظم ہے اور واقعی بہت درد پرو دیا ہے محسن نقوی نے۔ اتنی اچھی شراکت کے لیے شکریہ لالی

 

[مقدس]

ناعمہ تم شاعرہ بن گئی ہوتو اس کا مطلب یہ نہیں کہ رونے دھونے والی شاعری پوسٹ کرو گندی بچی

 

[ناعمہ عزیز]

ناعمہ تم شاعرہ بن گئی ہوتو اس کا مطلب یہ نہیں کہ رونے دھونے والی شاعری پوسٹ کرو گندی بچی

ارے بابا ایسی کوئی بات نہیں ہے ۔ وہ تو مجھے اچھی لگی تھی اس لئے سوچا یہاں پوسٹ کر دی جائے

 

[ناعمہ عزیز]

بہت ہی خوبصورت نظم ہے اور واقعی بہت درد پرو دیا ہے محسن نقوی نے۔ اتنی اچھی شراکت کے لیے شکریہ لالی

 

[مقدس]

ارے بابا ایسی کوئی بات نہیں ہے ۔ وہ تو مجھے اچھی لگی تھی اس لئے سوچا یہاں پوسٹ کر دی جائے

پھر ٹھیک ہے