خود کو پڑھتا ہوں، چھوڑ دیتا ہوں - طاہر فراز

[کاشفی]

غزل
(طاہر فراز)​

خود کو پڑھتا ہوں، چھوڑ دیتا ہوں
اک ورق روز موڑ دیتا ہوں

اس قدر زخم ہیں نگاہوں میں
روز اک آئینہ توڑ دیتا ہوں

میں پجاری برستے پھولوں کا
چھو کے شاخوں کو چھوڑ دیتا ہوں

کاسائے شب میں خون سورج کا
قطرہ قطرہ نچوڑ دیتا ہوں

کانپتے ہونٹ بھیگتی پلکیں
بات ادھوری ہی چھوڑ دیتا ہوں

ریت کے گھر بنا بنا کے فراز
جانے کیوں خود ہی توڑ دیتا ہوں​

 

[عمر سیف]

خود کو پڑھتا ہوں، چھوڑ دیتا ہوں
اک ورق روز موڑ دیتا ہوں

واہ واہ ۔۔ بہت خوب

 

[کاشفی]

خود کو پڑھتا ہوں، چھوڑ دیتا ہوں
اک ورق روز موڑ دیتا ہوں

واہ واہ ۔۔ بہت خوب

بہت شکریہ عمر سیف بھائی! خوش رہیئے۔۔