واصف خوشبو سے رنگ، رنگ سے خوشبو نکال دے - واصف علی واصف

[عتیق منہاس]

خوشبو سے رنگ، رنگ سے خوشبو نکال دے​

دل کو بجھا کے شہرِ تمنا اجال دے​

​

اپنے عمل کا آپ ہی اچھا سا نام رکھ​

کم ظرفئ نگاہ کو حسن ِ مآل دے​

​

کچھ اور ہی طرح سے ہوتی ہیں صورتیں​

تاریخ جن کو اپنے لیئے خدوخال دے​

​

اپنے سکونِ قلب کا کچھ اہتمام کر​

اس خانہٴ خدا سے کدورت نکال دے​

​

تیرہ شبی حدود سے باہر نکل گئی​

واصف تُو اپنے دور کا سورج اچھال دے​

​

واصف علی واصف​

 

[زبیر مرزا]

واہ جناب بہت خُوب

 

[امیداورمحبت]

بہت خوب ۔۔۔۔۔۔

 

[عتیق منہاس]

جزاک اللہ زبیر بھائی اور محبت کے امیدوار صاحب

 

[محمود احمد غزنوی]

اصل مصرع شائد کچھ یوں ہے۔۔۔واصف تو اپنے درد کا سورج اچھال دے۔
دور نہیں بلکہ درد۔

 

[عتیق منہاس]

نہیں ًمحمود بھائی یہ مصرع یوں ہی ہے جیسے میں نے لکھا
"واصف تُو اپنے دور کا سورج اچھال دے"

 

[فرخ منظور]

بہت خوب انتخاب۔ شریکِ محفل کرنے کا بہت شکریہ۔ یہ مصرع بھی دیکھیے گا شاید یہ ایسے ہونا چاہیے۔
"اس خانۂ خدا سے کدورت نکال دے"

 

[عتیق منہاس]

جزاک اللہ فرخ بھائی