اقبال دامِ تہذیب

[حسان خان]

اقبال کو شک اس کی شرافت میں نہیں ہے​

ہر ملتِ مظلوم کا یورپ ہے خریدار!​

یہ پیرِ کلیسا کی کرامت ہے کہ اس نے​

بجلی کے چراغوں سے منور کیے افکار!​

جلتا ہے مگر شام و فلسطیں پہ مرا دل​

تدبیر سے کھلتا نہیں یہ عقدۂ دشوار!​

تُرکانِ 'جفا پیشہ' کے پنجے سے نکل کر​

بیچارے ہیں تہذیب کے پھندے میں گرفتار!​

​

(علامہ اقبال)​

 

[زبیر مرزا]

واہ جناب بہت خوب

 

[الماس حسین]

یہ پیر کلیسا کی کرامت ہے کہ اس نے
بجلی کے چراغوں سے منور کیے افکار


اس شعر کی تشریح چاہیئے، عین نوازش ہوگی

 

[نسیم زہرہ]

جلتا ہے مگر شام و فلسطیں پہ مرا دل

کیا اقبالؒ کے زمانے میں ملک شام بھی کسی قسم کی مشکلات کا شکار تھا؟

 

[ام اویس]

کیا اقبالؒ کے زمانے میں ملک شام بھی کسی قسم کی مشکلات کا شکار تھا؟

سلطنت عثمانیہ کا زوال 1908 سے 1922
اس دوران تمام مسلم ممالک توڑ پھوڑ اور تقسیم کا شکار ہوئے۔ فلسطین و شام کو تقسیم کرنے کے بعد ہی فلسطین میں اسرائیل کا قیام ممکن بنایا گیا۔