کیا پدرم سلطان بود جپنے سے ہمارے مسائل حل ہو جائیں گے؟
کیا وجہ ہے کہ ہم وقت کے کامیاب ترین نظام "جمہوریت" کو بھی نہیں چلا سکتے اور بار بار فوجی آمریت کی تمنا کرتے ہیں؟
دنیا کا سب سے قدیم نظام بادشاہت یا ایک فرد واحد کی مکمل حکمرانی ہے۔ مسلمانوں کی ۱۴۰۰ تاریخ میں ایسے کتنے بادشاہ یا حکمران آئے جن کے دور حکومت میں واقعتا پورے معاشرے نے ترقی و جدت اختیار کی ہو؟ انگلیوں پر گنے جا سکتے ہیں۔
مسلمان حکمرانوں کی اکثریت عوام کی فلاح و بہبود پر کام کرنے کی بجائے اپنی گدی و حکمرانی کو وسعت دینے کیلئے استعمال کرتے پائے گئے۔ نتیجتا مغربی طرز حکمرانی کا آگے نکلنا ہی بنتا تھا جہاں حکومت فرد واحد سے نکل کر عوامی نمائندوں کے مابین آنی جانی چیز بن چکی تھی۔ جب یہ جمہوری نظام مسلمان علاقوں میں پہنچا تو بجائے اسکو مکمل رائج کرنے کہ سابقہ حکمران طبقے نے اسی نظام کو اپنی بقا کیلئے استعمال کرنا شروع کر دیا۔ جمہوریت میں آمرانہ طرز حکومت چونکہ ناممکن ہے تو اس طبقہ نے بذریعہ جمہور اپنے فرد واحد کی حکومت کا جواز ڈھونڈ لیا جسے ہم آج ووٹر فراڈ یا ریگنگ کہتے ہیں۔ جب اس کے خلاف آواز بلند کی جاتی ہے تو حکمران طبقہ جمہوریت کو ڈی ریل ہو جانے کا خوف دلاتا ہے۔ فوجی یا عدالت آکر جمہوریت کو ڈی ریل نہیں کرتی بلکہ ایک جمہوری لیڈر کا آمرانہ طرز حکومت اپنے آپ اس نظام کی صف لپیٹ دیتا ہے۔ اس صف ماتم اور سیاسی شہدا کے نام پر عوام چور چکوں اور لٹیروں کو ووٹ دینے کیلئے دوبارہ مجبور ہو جاتی ہے یہاں تک کہ ایک جمہوری آمر کو فوجی آمر آکر ہٹاتا ہے تاکہ کچھ عرصہ کیلئے عوام کے پیٹ سے جمہوریت کا مروڑ دور ہو جائے۔
یوں جمہوری فوجی سے جمہوری آمر کا چکر چلتا رہتا ہے اور معاشرہ پسماندگی میں ڈوبتا چلا جاتا ہے
