در رنگِ ابیاتِ حضرت سلطان باہوؒ ۔۔ از۔۔۔ پیر نصیر الدین نصیرؒ

[یوسف سلطان]

یار دی مرضی
بے پروا سنگ لا کے یاری ہو گئے اَسی نمانڑیں ھُو
کوئی تے بن کے غم دا بیلی خبر یار دی آنڑیں ھُو
اسی نصؔیر ککھاں تھیں ہَولےبھانویں یار دے بھانڑیں ھُو
آساں تے اُس نوں سچ کر جانتا اوہ جانڑیں نہ جانڑیں ھُو​

 

[یوسف سلطان]

اپنا بنا کر رکھنے کی التماس
حُسن تے ناز دیا شہکارا رب دیاں تینوں رکھّاں ھُو
مونہوں بولیں موتی رولیں دل کھس لے گیا آکھّاں ھُو
جے نصؔیر نوں تیں چھڈیا رُل جا سی وانگوں ککھّاں ھُو
اُس نوں تیرے جیہا نہ کوئی اُس جئے تینوں لکھّاں ھُو​

 

[یوسف سلطان]

نمازِ حُضوری
کی واجب کی فرض تیرے جے توں پریم نماز نہ نیتی ھُو
جنّہاں دے دل وچ یار وسے اُنہاں کدی قضا نہ کیتی ھُو
وضو ترے دا کی فیدا جد اندر لکھ پلیتی ھُو
دَسّے بھید نہ مستی دا جس بے پیمانے پیتی ھُو
جنہاں نصؔیر حُضوری پائی نہیں محتاج مسیتی ھُو​

 

[یوسف سلطان]

فراقِ یار
چنگی بھلّی بیٹھی بیٹھی ہو گیا مینوں آج، کے ھُو
کیہڑا وچھڑیا یاد آیا جے میں رو پئی اکھیاں کج کے ھُو
ویہرا متاں مرا وس پیوے ہر اَوندا تکدی بھج کے ھُو
یار نوں کون نصّیر لے آوے نہیں تکیا میں رج کے ھُو​

 

[یوسف سلطان]

راہِ طلبِ دشوار ہے
اُجر اُجاڑ طلب دا صحرا خبر نہ کوئی آنڑیں ھُو
اِس دے حالوں راہی واقف اَن راہی نہ جانڑیں ھُو
گھروں مُڑے جیہڑے بھربھرگُتھیاں ادھ وچ مُک گئےدانڑیں ھُو
عشق نصؔیر او منزل جتھے بھل گئے لکّھاں سیانڑیں ھُو​

 

[یوسف سلطان]

نا کردہ کردہ جیسا نہیں ہو سکتا
تاریا اِکّاں نوں تقوے اک پھسّے چِکڑ پلیتی ھُو
اک میخانے دُھت شرابوں اک دن رات مسیتی ھُو
جس نہیں پیتی اُس نہیں پیتی جس پیتی اُس پیتی ھُو
اک جئی کدی نصؔیر نہ ہوندی کیتی تے اَن کیتی ھُو
​

 

[یوسف سلطان]

یاراں نال بہاراں
جے نہ آوے یار نظر کی کرناں جی کے اسّاں ھُو
نال اُسی دے ہاسے کھیڈے خوشیاں، مزے تے چسّاں ھُو
یار نہ آیا پیون شالا جلد مُڑن دیاں دسّاں ھُو
بِن دیدار نصؔیر نہ مُکّن دل تسّے دیاں تسّاں ھُو​

 

[یوسف سلطان]

واہ بہت ودھیا!!! آمین آمین۔۔

شکریہ بہنا۔