دعا

[انتہا]

دعا​

ایک پاکستانی​

راتوں کو اٹھ کر​

خیالوں سے ہوکر​

یادوں میں کھو کر​

تمہیں کیا خبر ہے​

اپنے خدا سے میں کیا مانگتا ہوں​

ویرانوں میں جا کر​

دکھڑے سنا کر​

دامن پھیلا کر​

آنسو بہا کر​

تمہیں کیا خبر اپنے خدا سے میں کیا مانگتا ہوں​

تم تو کہو گے​

صنم مانگتا ہوں​

غنم مانگتا ہوں​

زر مانگتا ہوں​

میں گھر مانگتا ہوں​

زمیں مانگتا ہوں​

نگیں مانگتا ہوں...!​

تم تو کہو گے​

ہم کو خبر ہے​

کہ راتوں کو اٹھ کر​

خیالوں سے ہوکر​

یادوں میں کھو کر​

آنکھیں بھگو کر​

کسی دلربا کی​

کسی دلنشیں کی​

وفا مانگتا ہوں​

یہ بھی غلط ہے​

وہ بھی غلط ہے​

جو بھی ہے سوچا​

سو بھی غلط ہے​

نہ صنم مانگتا ہوں​

نہ زر مانگتا ہوں​

نہ دلربا کی​

نہ دلنشین کی​

نہ ماہ جبیں کی وفا مانگتا ہوں​

تمہیں کیا خبر ہے...اپنے خدا سے میں کیا مانگتا ہوں​

میں اپنے خدا سے​

آدم کے بیٹے کی آنکھوں سے جاتی...حیا مانگتا ہوں​

حوا کی بیٹی کے سر سے اترتی...رِدا مانگتا ہوں​

اس کڑے وقت میں...پاک وطن کی بقا مانگتا ہوں​

شاعر: نامعلوم

 

[عسکری]

میں سوچ رہا تھا اتنی باتیں گنوا دیں کچھ تو مانگے گا وہ تو اپنی گئی ہوئی چیز مانگ رہا تھا

 

[انتہا]

آدم کا بیٹا جو ہوا۔

 

[جنید اقبال]

بہت خوب
جب حیا ختم ہو جاتی ہو تو ردا اُتر جاتی ہو پھر بقا نہیں رہتی
جب حیا ہوگی سر پہ ردا ہوگی پھر عزّت کی بقا ہوگی

 

[محمد بلال اعظم]

اس کا شاعر کون ہے؟
اگر کوئی بتا سکے تو۔