دلِ امید توڑا ہے کسی نے ۔

[محمد عدنان اکبری نقیبی]

دلِ امید توڑا ہے کسی نے
سہارا دے کے چھوڑا ہے کسی نے

نہ منزل ہے نہ منزل کا نشاں ہے
کہاں پہ لا کے چھوڑا ہے کسی نے

قفس کی تیلیاں رنگین کیوں ہیں
یہاں پہ سر کو پھوڑا ہے کسی نے

میں اِن شیشہ گروں سے پوچھتا ہوں
کہ ٹوٹا دِل بھی جوڑا ہے کسی نے

محبت میں مجھے برباد کر کے
لہو کا دل نچوڑا ہے کسی نے

دلِ امید توڑا ہے کسی نے
سہارا دے کے چھوڑا ہے کسی نے
نامعلوم​

 

[ہادیہ]

واہ واہ عدنان بھائی اتنے دکھی ۔۔۔

 

[سفیر آفریدی]

احترامات

 

[فلسفی]

نہ منزل ہے نہ منزل کا نشاں ہے
کہاں پہ لا کے چھوڑا ہے کسی نے

قفس کی تیلیاں رنگین کیوں ہیں
یہاں پہ سر کو پھوڑا ہے کسی نے

"کہاں پر"، "یہاں پر" کا محل ہے شاید۔

قفس کی تیلیاں پہلی بار سنا ہے۔ سلاخیں آنا چاہیے تھا۔ تخیل البتہ خوب ہے۔

 

[محمد عدنان اکبری نقیبی]

واہ واہ عدنان بھائی اتنے دکھی ۔۔۔

ارے بہنا ، آج کل اکثر یہ غزل سننے کو مل رہی ہے ، اشعار دل کو پسند آئے تو سوچا نیٹ پر تلاش کر کے محفل پر شیئر کی جائے ۔

 

[ہادیہ]

ارے بہنا ، آج کل اکثر یہ غزل سننے کو مل رہی ہے ، اشعار دل کو پسند آئے تو سوچا نیٹ پر تلاش کر کے محفل پر شیئر کی جائے ۔

صدقے جاؤں۔۔

 

[محمد عدنان اکبری نقیبی]

"کہاں پر"، "یہاں پر" کا محل ہے شاید۔

قفس کی تیلیاں پہلی بار سنا ہے۔ سلاخیں آنا چاہیے تھا۔ تخیل البتہ خوب ہے۔

فلسفی جی یوٹیوب پر بھی یہ غزل گائیکی کی صورت میں موجود ہے ۔

 

[محمد عدنان اکبری نقیبی]

تخیل البتہ خوب ہے۔

فلسفی جی یہاں سنیں اس غزل کو ۔

 

[محمد عدنان اکبری نقیبی]

"کہاں پر"، "یہاں پر" کا محل ہے شاید۔

قفس کی تیلیاں پہلی بار سنا ہے۔ سلاخیں آنا چاہیے تھا۔ تخیل البتہ خوب ہے۔

​

 

[فاخر]

ویسے ہماری یہ محفل گوگل سرچ کیلئے انسائیکلو پیڈیا ثابت ہو رہی ہے ۔
میں نے یہ غزل آج کئی سالوں کے بعد گوگل پر سرچ کیا تو براہِ راست اپنے ہی گھر کا پتہ بتا دیا گیا۔
میں یہ جاننے کی کوشش کر رہا ہوں کہ اس غزل کے اصل خالق کون شاعر ہیں ۔ یوٹیوب پر متضاد سی کیفیت ہے۔

کہیں نصرت فتح علی خان کے نام سے منسوب ہے، تو کہیں کسی اور گلوکار کے نام سے منسوب ہے۔ جب کہ سب جانتے ہیں کہ یہ آواز نصرت فتح علی خان کی بالکل بھی نہیں ہے، ویسے ہم بھی نصرت فتح علی خان کی پرانی سی پرانی آواز کو پلک جھپکتے ہی پہچان لیتے ہیں ، کیوں کہ اب تک سب سے زیادہ جس گلوکار کو سنا ہے ، وہ نصرت فتح علی خان مرحوم ہی ہیں۔
اگر کسی صاحب کے پاس مصدقہ اطلاعات ہوں تو براہِ کرم شیئر کریں۔

 

[عظیم اللہ قریشی]

ویسے ہماری یہ محفل گوگل سرچ کیلئے انسائیکلو پیڈیا ثابت ہو رہی ہے ۔
میں نے یہ غزل آج کئی سالوں کے بعد گوگل پر سرچ کیا تو براہِ راست اپنے ہی گھر کا پتہ بتا دیا گیا۔
میں یہ جاننے کی کوشش کر رہا ہوں کہ اس غزل کے اصل خالق کون شاعر ہیں ۔ یوٹیوب پر متضاد سی کیفیت ہے۔

کہیں نصرت فتح علی خان کے نام سے منسوب ہے، تو کہیں کسی اور گلوکار کے نام سے منسوب ہے۔ جب کہ سب جانتے ہیں کہ یہ آواز نصرت فتح علی خان کی بالکل بھی نہیں ہے، ویسے ہم بھی نصرت فتح علی خان کی پرانی سی پرانی آواز کو پلک جھپکتے ہی پہچان لیتے ہیں ، کیوں کہ اب تک سب سے زیادہ جس گلوکار کو سنا ہے ، وہ نصرت فتح علی خان مرحوم ہی ہیں۔
اگر کسی صاحب کے پاس مصدقہ اطلاعات ہوں تو براہِ کرم شیئر کریں۔

شاعر:راغب مراد آبادی

 

[محمداحمد]

دلِ امید توڑا ہے کسی نے
سہارا دے کے چھوڑا ہے کسی نے

نہ منزل ہے نہ منزل کا نشاں ہے
کہاں پہ لا کے چھوڑا ہے کسی نے

قفس کی تیلیاں رنگین کیوں ہیں
یہاں پہ سر کو پھوڑا ہے کسی نے

میں اِن شیشہ گروں سے پوچھتا ہوں
کہ ٹوٹا دِل بھی جوڑا ہے کسی نے

محبت میں مجھے برباد کر کے
لہو کا دل نچوڑا ہے کسی نے

دلِ امید توڑا ہے کسی نے
سہارا دے کے چھوڑا ہے کسی نے
نامعلوم​

بہت اچھی غزل ہے عدنان بھائی!

شریکِ محفل کرنے کا شکریہ۔

 

[محمداحمد]

دو اشعار اور بھی ہیں جو صوفی نامہ سے ملے ہیں۔

چمن میں بخدا شبنم نہیں ہے
یہاں دامن نچوڑا ہے کسی نے

ہے دیوانوں کو زنجیروں سے نسبت
یہ رشتہ خوب جوڑا ہے کسی نے

 

[محمد عدنان اکبری نقیبی]

دو اشعار اور بھی ہیں جو صوفی نامہ سے ملے ہیں۔

چمن میں بخدا شبنم نہیں ہے
یہاں دامن نچوڑا ہے کسی نے

ہے دیوانوں کو زنجیروں سے نسبت
یہ رشتہ خوب جوڑا ہے کسی نے

زبردست بھیا

 

[محمداحمد]

قفس کی تیلیاں پہلی بار سنا ہے۔

قفس کی تیلیوں کی اصطلاح نئی نہیں ہے بلکہ شعراء نے اسے پہلے بھی استعمال کیا ہے۔

کچھ قفس کی تیلیوں سے چھن رہا ہے نور سا
کچھ فضا کچھ حسرت پرواز کی باتیں کرو

فراق گورکھپوری

قفس کی تیلیوں میں جانے کیا ترکیب رکھی ہے
کہ ہر بجلی قریب آشیاں معلوم ہوتی ہے

سیماب اکبر آبادی

 

[محمداحمد]

کہیں نصرت فتح علی خان کے نام سے منسوب ہے، تو کہیں کسی اور گلوکار کے نام سے منسوب ہے۔

سنا ہے کہ فیض صاحب سے بھی لوگ فرمائش کرتے ہوئے کہتے تھے: "فیض صاحب! وہ نور جہاں والی غزل تو سنائیے۔"